Ndërpritet sërish seanca në Kuvend, Balla kërkon takim të anëtarëve të Konferencës së Kryetarëve

Në Kuvend është mbledhur Konferenca e kryetarëve për të vendosur mbi debatin e ashpër për më shumë se 60 minuta se sa kohë do të jetë debati për Portin e Durrësit.

Mazhoranca fillimisht vendosi 6 orë por kjo u kundërshtua ashpër nga deputetët e opozitës, sidomos nga grupi i Berishës.

“Debati i vjedhjes së Portit të Durrësit duhet të kufizohet sigurisht sipas jush. Më rrezikohet e drejta e fjalës për të folur për ccështjen e zonës që unë përfaqsoj.  Kur një bandë hajdutësh vendos të vjedhë një bankë, e para mendon procedurën se si duhet ta bëjë më shpejt”, tha deputeti Bylykbashi.

“Po e interpretoni shtrembër rregulloren. Grupet parlamentare të bien dakord. Ai grup që njihni nuk ka rënë dakord.  Ne që nuk ekzistojmë në grup parlamentar kush jua jep juve të drejtën që të përcaktoni minutazhin për ne. Ju keni përcaktuar kohë të kufizuar”, tha Spaho.

Më pas e mori fjalën kryetari i grupit parlamentar të Partisë Socialiste, Taulant Balla, i cili tha se pas gjithë këtij debati mazhoranca është dakord që ta ndryshojë vendimin edhe pse sipas tij kjo avantazhin mazhorancën sepse qeveria do të ketë kohë pa limit.

Lajmi kryesor:

Pas 14 orëve debat, Kuvendi miraton projektin e Portit të Durrësit! 74 vota pro dhe 35 kundër! Mungon në votim Rama! Socialistët duartrokasin, opozita akuza të ashpra

K.T./Shqiptarja.com

TAG:
• projekti i portit te durresit
• paketa fiskale 2023
• buxheti 2023
• Kuvendi i Shqiperise