TIRANE - Një prej 32 personave të arrestuar në flagrancë për veprën penale të ndërtimit të paligjshëm nga Policia e Shtetit në harkun kohor të një jave ka qenë dhe ish-drejtori i Krimit Ekonomik në polici, Ismail Elezi, teksa për të, këtë të martë Gjykata e Tiranës caktoi masën e sigurisë “arrest shtëpie”.

Elezi u ndalua teksa dy ditë më parë në zonën e Alliasit në kryeqytet u konfrontua me blutë e komisariatit numër 4, të cilët kosntatuan ndërtimin e një lavazhi pa leje në pronësi të Elezit.

Për ndërtimet pa leje nga 25 Gushti deri më 1 Shtator, Policia e Shtetit bënë me dije se ka evidentuar plot 393 ndërtime pa leje në të gjithë Shqipërinë, kryesuar nga Tirana me numrin më të madh të këtyre objekteve.

Redaksia Online
(Shqiptarja.com)