Ndërtimet pa leje, Rama: Janë kallëzuar 40 subjekte, 18 kryetarë bashkie e komune, 25 kryeinpektorë të IMT-së si dhe drejtorë të Urbanistikës e Aluiznit

Kryeministri Edi Rama ka drejtuar gishtin ndaj drejtësisë sa i përket lejimit të ndërtimeve pa leje. Kreu i qeverisë foli me shifra ku tha se deri tani janë kallëzuar 40 subjekte, 18 kryetar të bashkive e komunash, përfshirë dhe socialistë, 12 drejtorë Urbanistike, 25 kryeinspektorë të IMT si dhe 2 drejtorë të Aluiznit. Rama tha se emrat e tyre janë çuar në prokurori.

'Po jap dhe një shembull tjetër, se meqë po thonë se këtu nuk i sheh njeri, këtu të gjitha bëhen se ky i gjati... Inspektoriati kombëtar ka kallëzuar penalisht në gjithë këtë periudhë 40 subjekte ndërtuese, 18 kryetarë bashkish dhe komunash, nga të cilët jo vetëm kryetarë bashkish të palës tjetër, por edhe kryetarë bashkish të Partisë Socialiste, 12 drejtorë urbanistike nëpër bashki, 25 kryeinspektorë të inspektoriatit të Mbrojtjes dhe Territorit nëpër territor, 2 drejtorë rajonalë Aluizni dhe 4 anëtarë këshillash rregullimi të territorit. Janë këtu, janë me emra, janë me mbiemra. Pyetja është: Sa nga këta kanë shkuar përpara ligjit? Asnjë! Të gjitha këto dosje i ka zënë myku nëpër prokurorira. Dakord.’- tha Rama.

Lajmi kryesor:

IMT gjobiti 1.3 mln $ ‘Syrin e Tiranës', Rama: Gjykatësi i verbuar nga leku e rrëzoi! Mbajnë në këmbë pallatin pa leje në zonë turistike, kemi një vit bëjmë 'bam e bum'

M.Q./Shqiptarja.com

TAG:
• operacioni per ndertimet pa leje
• edi rama
• IKMT