Ndërtimet pa leje, Salianji: Qeveria është e pafuqishme, ligji nuk funksionon njëlloj për të gjithë! Gradaçerlat ngrihen me bekimin e Ramës

TIRANË- Një letër drejtuar për ndërtimet pa leje që më 13 shtator ende pa përgjigje ka nxitur deputetin demokrat të dalë në një prononcim për mediat, duke kërkuar përgjigje nga institucionet përkatëse. Dy javë pa një përgjigje Salianji u shpreh se godinat shumëkatëshe ndërtohen dhe shtohen çdo ditë me bekimin e qeverisë. Deputeti shton më tej se qytetarët janë të pambrojtur nga ligji pasi sipas tij legjislacini nuk funksionon në mënyrë të barabartë për të gjithë.

‘I jam drejtuar qeverisë për informacion se sa është numri i subjekteve të paligjshme që kanë shkelur lejen e ndërtimit. Numri i rasteve të ndërtimeve të paligjshme, a janë marrë administrative apo a janë kallëzuar penalisht zyrtarë?

Sot pas më shumë se 2 javësh qeveria ende nuk e ka një përgjigje sepse është tërësisht e kapur dhe e pafuqishme dhe ligji nuk është i barabartë për të gjithë. Ai ftoi institucionet të japin përgjigje se sa është numri i ndërtimeve pa leje dhe nëse janë kallëzuar penalisht përgjegjësit.

LEXO EDHE:
PD 2 amendamente për SPAK : Prokurorët të kenë ndihmesa! Tahiri u lirua në Elbasan, vendimet t’i japë vetëm GJKKO

Qindra qytetarë janë arrestuar për ndërtime në shtëpitë e tyre. Qeveria ndjek penalisht çdo qytetar të pamundur në këtë vend, nga ana tjetër këtu shikojeni pak përballë institucioneve më të rëndësishme, ku kalojnë ministra, drejtuesit e policisë së Shtetit, kjo është leja e miratuar nga Rama KKT 26 kate. Ky ndërtim shikoni sa ka shkuar. A ka mundësi që ky ndërtim në mes të Tiranës, një grataçelë të bëhet pa bekimin e qeverisë. Sot po e pyes zyrtarisht a e ka çuar dhe referuar në prokurori IKMT dhe policia e Shtetit? Do të jem bashkë me ju në ndërtesa të tjera në Tiranë, në përbindësha betoni që kanë marrë dhe shtetin në kontroll duke ndërtuar në mënyrë të paligjshme. Sot ndërtime si ky duhet të kishin miliona euro gjobë. Nga ana tjetër ndërtuesi apo pronari i këtij duhet të ishte para përgjegjësisë penale. Qeveria e ka mbyllur gojën sepse nuk ka asnjë përgjigje. Do vazhdojmë të denoncojmë në vende të tjera se ku qeveria favorizon duke vendosur dyfytyrësinë dhe jo barazinë para ligjit”.- tha Salianji. 

Salianji ndër të tjera theksoi se në krahasim me qytetarët e thjeshtë disa persona të tjerë ndërtojnë në mes të Tiranës prona të cilat marrin bekimin e qeverisë.

Qytetarët e pamundur e të pambrojtur përfundojnë në burg nëse bëjnë një avlli. A ka mundësi që kjo gradaçelë të bëhet pa bekimin e qeverisë. Sot po iu pyes edhe pse s’ më kanë kthyer përgjigje a e kanë çuar në prokurori këtë ndërtim? Këta ndërtojnë në mënyrë të paligjshme ku të duan dhe sa të duan. Qeveria e ka mbyllur gojën si në shumë raste të tjera se s’ka ça thotë.- u shpreh ai. 

Ky reagim vjen pas nisës së qeverisë për sekuestrimin e ndërtimeve pa leje, një operacion i nisur nga qeveria. Deri tani në kuadër të zbatimit të vendimit të qeverisë, janë sekuestruar dy prona pa leje. Zbatimi i operacionit nisi me ndërtesën 9-katëshe të biznesmenit, Julian Morina. Pallati 9-katësh, me 2 kate nën tokë dhe 7 të tjerë mbi tokë, ishte ndërtuar pa leje dhe për këtë arsye u sekuestrua nga qeveria.

Ndërsa shtesa tjetër pa leje ishte në një pallat në ndërtim në zonën e Farkës në Tiranë, me një sipërfaqe 1200 me 2. Shtesat e kateve pa leje janë ndërtuar në pallatin në pronësi të biznesmenit Pëllumb Salillari.

Vendimi i qeverisë nisi zbatimin nga Tirana dhe do të shtrihet në çdo qytet vetëm për ato ndërtesa që janë ndërtuar me qëllim fitimi, duke përjashtuar ndërtesat të cilat janë të paligjshme por qytetarët i kanë ngritur për veten e tyre për të strehuar familjet. Godina edhe mund të shembet vetëm në rastet kur IKMT vlerëson që nuk përmbush kriteret urbane apo të sigurisë së strukturës

G.MO/Shqiptarja.com

TAG:
• ervin salianji
• PD
• operacioni per ndertimet pa leje
• IKMT