Çështja e ndërtimit të HEC-eve në zonën e Kaçinarit në Mirditë ka mbërritur në Gjykatën e Lezhës. Pas kallëzimit penal në SPAK të banorëve të zonës, Prokuroria e Posaçme Kundër Krimit dhe Korrupsionit, regjistroi procedim për veprat penale "Shpërdorim Detyre" dhe "Falsifikim Dokumentesh", dhe çështja i kaloi për hetim Prokurorisë së Lezhës. Nga hetimet e kryera prokuroria lokale ka dalë në konkluzionin se nuk ka element të veprës penale dhe dërgoi çështjen për pushim hetimesh në gjykatë. Këtë të hënë u zhvillua seanca gjyqësore dhe në përfundim të saj avokatet e konsiderojnë absurditet kërkesën e prokurorisë për mbyllje hetimesh, pasi janë të bindur se leja është dhënë në kundërshtim me ligjin për faktin se zona ku do ndërtohet HEC-et rezulton të jetë monument natyre.
"Banorët kundërshtojnë me forcë me ligjërisht ndërtimin e HEC-eve. Prokuroria çuditërisht ka kërkuar mbylljen e hetimeve pasi sipas tyre nuk ka fajtorë pasi procedurat e koncesionit dhe lejes mjedisore janë kryera sipas rregullave. Por zona e Kaçinarit është zonë e mbrojtur. Ky është absurditet dhe dëmet që do t'i bëhen zonës janë të jashtëzakonshme. Janë një sërë shkeljesh ligjore, që nga mënyra si është marrë leja mjedisore, janë bërë falsifikime duke pretenduar se nuk ka dëme në mjedis, gjë që është e pavërtetë", tha avokati Klodian Reçi
Pavarësisht vendimit që do të merret, banorët e Kaçinarit thonë se janë të vendosur që mos të lejojnë ndërtimin e HEC-eve që shkatërrojnë zonën.
"Ne nuk lejojmë të zhvillohen investime për HEC-et në zonë. Janë falsifikuar firma në mbështetje të HEC-eve dhe në dëm të komuniteteve, por ne nuk do lejojmë asnjë lloj investimi"
"Ne na dëmtohet prona sepse një tokë që është pa ujë, nuk ka zhvillim. Përveç interesave bujqësore që ne kemi, prishet edhe çdo gjë tjetër. Nuk kanë bërë asnjë dëgjesë publike", shprehen banorët.
Gjykata e Lezhës prite të marrë një vendim më 16 dhjetor nëse do të pranojë apo jo kërkesën e Prokurorisë.
Koncesioni për ndërtimin e 5 HEC-eve në zonën e Kaçinarit në Mirditë është dhënë në vitin 2018, por deri tani kompania nuk është lejuar nga banoret të nisë punën.
Lajme të tjera
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Mbrëmje bamirësie në Lezhë, 20 shefa kuzhine gatuajnë për 200 persona! Mblidhen 10 mijë euro për qendrën “Rozalba” dhe familjet e varfëra
21 Dhjetor, 11:47
-
Mirditë, tregu i Krishtlindjeve pret qindra vizitorë! Të dielën koncert dhe panair me produkte lokale
21 Dhjetor, 10:18
-
Kurbin/ Kishin përshatur ambiente për konsumim, shitje drogash dhe lojëra fati, 3 të arrestuar! Mes tyre pronari dhe prindërit e tij
20 Dhjetor, 12:58 -
Degradimi i rrugës Rrëshen-Burrel, banorët e 10 fshatrave sfidojnë motin e keq dhe dalin në protestë: Ministria e Infrastrukturës të ndërhyjë!
20 Dhjetor, 10:35
-
Opozita bashkon votat me PS, Lezha miraton buxhetin e vitit 2025! Ndreu: Më i madhi, me zero borxhe
20 Dhjetor, 09:26
-
Do zhvillojë turizmin në Shkodër, drejt përfundimit rruga e re Shëngjin-Velipojë (VIDEO)
20 Dhjetor, 08:23 -
Më pak gjela deti në Zadrimë të Lezhës, fermerët: Ka kosto për t'i rritur dhe në fund nuk arrijmë t'i shesim
19 Dhjetor, 16:51
-
AMP arreston 2 policë! Njëri u denoncua nga ish-bashkëshortja, theu urdhrin e mbrojtjes dhe i vodhi valixhen me 5 milion lekë
19 Dhjetor, 10:58 -
Aksident i rëndë në rrugën Lezhë-Laç, vdes pas përplasjes së dy mjeteve shoferi 65-vjeçar! Policia procedon drejtuesin tjetër (EMRI+VIDEO)
18 Dhjetor, 10:44
