POP 5

Lajmet më të lexuara të 5 minutave të fundit

Sport

'Ndërtova një ekip me pak shpenzime', Mema: Tifozët e Tiranës s'i pengon koronavirusi të festojnë titullin

Ardi Mema, ish-trajneri i Tiranës që ndertoi ekipin e këtij sezoni, në një intervistë për ‘report tv’ tregon arsyen përse bardheblutë po bëjnë diferencën në Superligë. 

Ard Mema është trajneri që ideoi Tiranën e këtij sezoni, që është shumë pranë titullit kampion pas 11 vitesh. Gjithsesi ai u largua në fund të tetorit, për t’i lënë vendin fillimisht Ahmataj dhe më pas Egbos. Në një intervistë për ‘Report Tv’, Mema tregon përse Tirana ka mundur të shkëputet 9 pikë nga ndjekësit 6 javë para fundit të kampionatit.

“Tirana këto 6 muaj ka bërë atë që nuk ka bërë asnjë ekip, duke fituar të gjitha ndeshjet dhe duke administruar lojën dhe rezultatet. Tiranës nuk i ka munguar pjesa e lojës, edhe statistikisht shpeshherë Tirana e kam thënë luan më mirë futboll se kundërshtarët.”

Mema thotë se në fillim të sezonit ndërtoi një ekip pa shumë shpenzime, ndërsa u jep meritë të gjithëve në klub.

“Shpeshherë thuhet se si mund të jem racional në përzgjedhjen e lojtarëve, që mos ta rëndoja dhe klubin te pjesa e findnaceve dhe gjithashtu të jem i suksesshëm. Normalisht kjo ka ndodh te Tirana dhe më bëhet shumë qefi sepse çdo gjë është bërë me shumë kujdes. E kam thënë shumë herë se nuk është Ardi njeriu i vetëm që ka bërë përzgjedhjet por I kemi bërë të gjithë bashkë. Me presidentin me Arbin, që është pjesë e klubit.”

Më tej ish-trajneri dhe futbollisti i Tiranës tregon se çfarë duhet të bëjnë bardheblutë për të siguruar titullin.

“Tifozët e Tiranës, klubi i Tiranës dhe të gjithë dashamirësit duhet të jenë me këmbë në tokë sepse ka tre ndeshje shumë të vështirë: Skënderbeu, Kukësi dhe Partizani. Është pak herët për t’u gëzuar. Normalisht një ekip me këmbë në tokë duhet t’I bëjë mirë llogaritë sepse janë ndeshje të rëndësishme për Tiranën.”

Ard Mema i njeh mirë tifozët e Tiranës dhe ai siguron që pandemia nuk do t’i pengojë të festojnë titullin në rast se e fitojnë.

“Pjesa e pandemisë do të jetë një barrier që do thyhet, nuk diskutohet. Tifozët e Tiranës,,,mjafton që ekipi të shpallet kampion dhe çdo gjë do festohet dhe do gëzohet pafund.”

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57