Kombëtarja shqiptare ka zhvilluar sot pasdite seancën e fundit stërvitore në stadiumin “Air Albania”, ndërsa ditën e nesërme do të mbahet ndeshja me Ishujt Faroe, që do të nisë në orën 20:45. Të gjithë lojtarët e grumbulluar për dy ndeshjet kanë qenë të pranishëm dhe janë stërvitur normalisht nën drejtimin e trajnerit Sylvinho për më shumë se 1 orë.

E nesërmja është ndeshja e fundit, ndërsa kombëtarja shqiptare është kualifikuar në finalet e Europianit “Gjermani 2024”. Ndonëse jemi futur në europian, kuqezinjtë do të kërkojnë nesër me këmbëngulje 1 pikëshin që do t’u sigurojë atyre kryesimin e grupit E.

Kjo ndeshje vjen pas barazimit 1 me 1 me Moldavinë, ndërsa vetë Sylvinho në një konferencë para ndeshjes tha se objektivi i dytë është që të qëndrojnë në krye të grupit. Tekniku brazilian tha se nesër do të ketë ndryshime në fushë. 

Stadiumi do të jetë u mbushur plot me tifozë kuqezi, duke qene së të gjitha biletat janë shitur. Mbrëmja nuk do të mbyllet vetëm me ndeshjen, por për të festuar kualifikimin e Shqipërisë për herë të dytë në europian, FSHF ka përgatitur një festë. Nuk janë zbuluar shumë detaje, por FSHF thotë se do jetë një koncert i madh bashkë me lojtarët në fushë, me këngëtare, valle e fishekzjarrë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera