Ndeshja Shqipëri-Itali sot në stadiumin 'Air Albania', ja rrugët që do të bllokohen nga ora 18:00

Ndeshja Shqipëri-Itali sot në stadiumin 'Air Albania', ja rrugët që do të bllokohen nga ora 18:00

Dy sulmuesit Armando Broja dhe Federico Chiesa

Shqipëria dhe Italia do të kenë ndeshje miqësore mbrëmjen e sotme në orën 20:45 në stadiumin ‘Air Albania’. Për këtë, policia e Tiranës ka hartuar një plan masash ku përfshihet bllokimi i akseve rrugore gjatë kalimit të tifozëve, nga ora 18:00 deri në përfundim të aktivitetit.

Rrugët   që do të bllokohen janë: rruga “Lekë Dukagjini”, përreth stadiumit; rruga “Dervish Hima”; rruga “Gjergj Filipi”; rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” dhe bulevardi “Dëshmorët e Kombit”.

Sheshi "Nënë Tereza" nuk do të ketë bllokime të lëvizjes. Policia do të garantojë lëvizjen e tifozëve përgjatë rrugëkalimeve të përcaktuara dhe nuk do të lejojë grumbullim apo kalim të tifozëve jashtë itinerarit të caktuar.  

Po në zbatim të planit të masave, do të ushtrohen kontrolle ndaj tifozëve, para hyrjes në stadium, për sende të kundërligjshme (si armë, sende të forta, bidonë uji, çadra, çelësa metalikë, lëndë piroteknike etj). Çdo tifoz duhet të jetë i pajisur me dokument identifikimi.

Nuk do të lejohen të futen në stadium, persona të papajisur me dokument identifikimi, si dhe fëmijët nën moshën 16 vjeç, të pashoqëruar nga prindi apo kujdestari. Gjithashtu, nuk do të lejohen të futen në stadium tifozët, që në aktivitete të mëparshme sportive, janë të identifikuar nga Policia, si problematikë.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se duhet të ngrihet komisioni hetimor për çështjen McGonigal?



×

Lajmi i fundit

Policia bën ‘bilancin’, 564 të arrestuar gjatë muajit janar, u goditën 203 raste kriminale në shpërndarjen e drogës

Policia bën ‘bilancin’, 564 të arrestuar gjatë muajit janar, u goditën 203 raste kriminale në shpërndarjen e drogës