POP 5

Lajmet më të lexuara të 5 minutave të fundit

Sport

Ndeshjet e dyta në grupe për Champions, Juvja pret Young Boys, Reali në Moskë ndaj CSKA

Sot luhen ndeshjet e dyta për grupet E, F, G dhe H në Champions League. Juventusi pret Young Boys pa Ronaldon. Kampionët e Real Madrid luajnë në Moskë ndaj CSKA-së, Bayerni pret Ajax ndërsa në fushë zbresin edhe City e United
Ndeshjet e dyta në grupe për Champions, Juvja pret Young Boys, Reali në Moskë ndaj CSKA

Juventus gjatë seancës stërvitore

Champions League fillon të futet në një fazë interesante pasi sot luhen ndeshjet e dyta në grupet E,F,G dhe H. Në 18:55 e nisin Manchester City dhe Juventusi. City e humbi 2-1 ndeshjen e parë ndaj Lyon dhe sot ndaj Hoffenheim djemtë e Guardiolës do të kërkojnë patjetër fitoren për të evituar një tjetër surprizë. Ekipi vjen nga një moment i mirë që po kalon në kampionat ndërsa në stërvitje është kthyer edhe Kevin De Bruyne. Në konferencë Pep Guardiola deklaron: ”Ndoshta do ta kemi pak më të vështirë jetën në këtë kompeticion. Ne kemi edhe 5 finale për ta kaluar fazën e grupeve dhe sot është e para”.

Në ndeshjen tjetër të grupit F Lyon kryesues pret Shakhtar Donetsk. Juventusi pasi mposhti 2-0 Valencian në ndeshjen e parë pret në Torino Young Boys pa Cristiano Ronaldon që është i pezulluar. Chiellini dhe Cancelo janë lënë pushim por trajneri Allegri nuk do justifikime ai kërkon vetëm fitore ndaj kampionëve të Zvicrës.

Po në grupin H Manchester United pret Valencian në një moment tepër delikat mbi të gjitha për fatin e trajnerit Mourinho. Gjithsesi në Champions United i ka tre pikë.

Bayern Mynih po kalon një mini krizë në kampionat por në Champions është tjetër muzikë. Bavarezët kanë tre pikë në grupin E pas fitores me Benficën dhe sot presin Ajax në “Allianz Arena”.

Rikthehet edhe Robben ndërsa trajneri Niko Kovac premton reagimin e skuadrës së tij.” Skuadra më ka dhënë përshtypjen se do të reagojë dhe bëhet fjalë vetëm për detaje të vogla” deklaroi Niko Kovac. Ndeshja tjetër e grupit është AEK i Athinës- Benfica.

Real Madrid është në Moskë pa 4 titullarë. Ndaj CSKA Moskës Lopetegui do të bëjë pa Marcelo, Sergio Ramos, Bale dhe Isco. Skuadra nuk po kalon një moment të mirë në kampionat por shkëlqeu në ndeshjen e parë në Champions kur mundi 3-0 Romën.Ndaj vendasve të CSKA në Luzhniki Reali e ka detyrim fitoren. Roma do të këkrojë pikët e para në ndeshjen ndaj Viktoria Plzen në duelin e vlefshëm për grupin G.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    2 Dhjetor, 20:45

    Jeni dakord që prokurorët e SPAK të kenë mundësinë për një mandat tjetër?

Lajme të tjera



×

Lajmi i fundit

Rezart Kthupi: Përballë PS dhe PD duhet një pol i tretë! Të luftojmë bipartizanizmin

Rezart Kthupi: Përballë PS dhe PD duhet një pol i tretë! Të luftojmë bipartizanizmin

4 Dhjetor, 22:50