POP 5

Lajmet më të lexuara të 5 minutave të fundit

Sport

Ndeshjet e së martës në Champions, ja llogaritë e ekipeve për të kaluar më tej

Të martën luhen ndeshjet e parafundit në grupet A,B,C dhe D të Champions. Këto janë llogaritë për secilin ekip për të kaluar më tej apo për ta mbyllur në vend të tretë.

Ndeshjet e së martës në Champions, ja llogaritë e ekipeve për të kaluar më tej

Fazës së grupeve të Champions i kanë mbetur edhe dy ndeshje për të ulur siparin. Bayern Mynih, Juventus dhe PSG janë ekipet e kualifikuara në 1/8 ndërsa Galatasaray, Genk dhe Lille nuk mund të arrijnë dot një nga dy vendet e para që të dërgojnë më tej dhe maksimumi mund të luftojnë për një vend në Europa League.

Por të shohim pak grupet një e nga një dhe të bëjmë llogaritë e të gjitha skuadrave për dy ndeshjet e mbetura.

Grupi A luan të martën ndeshjet Real-PSg dhe Galatasaray-Brugge

PSG: Është e kualifikuar dhe e mbyll e para në grup nëse nuk humbet ndaj Realit.

Real Madrid: Kalon më tej nëse mposht PSG-në ose nëse Club Brugge nuk fiton dot ndaj Galatasaray.

Club Brugge: E ka të pamundur të kualifikohet nëse nuk fiton ndaj Galatasaray ose nëse fiton Real Madrid. Nëse fiton Brugge dhe Real Madrid atëherë belgët konfirmohen në vendin e tretë.

Galatasaray: Nuk mund të përfundojë në dy vendet e para. Konfirmohet në vend të katërt nëse nuk fiton dot ndaj Brugge.

Grupi B luan të martën sfidat Crvena Zvezda-Bayern Mynih dhe Tottenham-Olympiacos.

Bayern Mynih: Siguron vendin e parë në grup nëse fiton ndaj Crvena Zvezda ose nëse Tottenham nuk fiton ndaj Olympiacos.

Tottenham Hotspurs: Do të kualifikohet me një fitore ose edhe me barazim nëse Crvena Zvezda nuk mposht dot Bayernin.

Crvena Zvezda: Nuk mund të kualifikohet më tej nëse nuk e mposht Bayernin ose nëse Tottenham mund Olympiacos.Crvena Zvezda mund të konfirmohet në vendin e tretë nëse fiton dhe nëse Olympiacos nuk mposht Tottenhamin.

Olympiacos: E ka të pamundur të përfundojë në dy vendet e para nëse nuk mposht Tottenham. Grekët mbeten në vend të fundit nëse nuk e fitojnë ndeshjen e radhës dhe Crvena Zvezda fiton ndaj Bayernit.

Grupi C i Champions luan të martën duelet Atalanta-Dinamo Zagreb dhe Manchester City-Shakhtar Donetsk.

Manchester City: Kualifikohet më tej edhe nëse dështon të mposht Shakhtarin nëse Dinamo Zagreb barazon me Atalantën. Do konfirmohet në vend të parë nëse fiton me ukrainasit ose nëse Dinamo nuk e fiton dot ndeshjen e radhës.

Shakhtar Donetsk: Kalon më tej nëse mposht Cityn dhe Dinamo humbet me Atalantën.

Dinamo Zagreb: E ka të pamundur që të përfundojë në dy vendet e para nëse mposhtet nga Atalanta dhe Shakhtari fiton ndaj Cityt.

Atalanta : Nuk kualifikohet dot nëse nuk mposht Dinamo Zagrebin. Mbetet në vendin e katërt nëse humbet ndaj kroatëve ose nëse barazon dhe Shakhtar eviton humbjen.

Grupi D të martën luan supersfidën Juventus-Atletico Madrid dhe ndeshjen Lokomotiva e Moskës-Bayer Leverkusen.

Juventusi: I kualifikuar. Mban vendin e parë nëse mposht Atletico Madrid.

Atletico Madrid: Kualifikohet nëse fiton ose nëse dy ndeshjet dalin në barazim.

Lokomotiva e Moskës: Do e këtë të pamundur të përfundojë në dy vendet e para nëse nuk fiton ndaj Leverkusen. Konfirmohet në vendin e tretë nëse fiton ndeshjen e saj dhe po ashtu fiton edhe Atletico.

Bayer Leverkusen: Nuk ka shanse të kalojë më tej nëse nuk mposht Lokomotovën në Moskë.Do të mbetet në vend të katërt nëse humbet ndeshjen e radhës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Trajneri Bledar Devolli 'kërcënon' Tiranën: Kukësi në Kupë nxjerr luanin

Trajneri Bledar Devolli 'kërcënon' Tiranën: Kukësi në Kupë nxjerr luanin

19 Prill, 17:36