POP 5

Lajmet më të lexuara të 5 minutave të fundit

Opinion

Ndëshkimi i 6 Marsit

Në 6 Mars, në ditën e votimit për zgjedhjet e pjesshme lokale, vota e qytetarëve do të ndëshkojë edhe kësaj here, ata që shkatërruan themelin e demokracisë, opozitën. Në 6 Mars, vota e qytetarëve, nuk do të bëjë asnjë përjashtim, si nga Foltorja ashtu edhe nga ajo që quhet “PD zyrtare

Ndëshkimi i 6 Marsit

Në 6 Mars, në ditën e votimit për zgjedhjet e pjesshme lokale, vota e qytetarëve do të ndëshkojë edhe kësaj here, ata që shkatërruan themelin e demokracisë, opozitën. Në 6 Mars, vota e qytetarëve, nuk do të bëjë asnjë përjashtim, si nga Foltorja ashtu edhe nga ajo që quhet “PD zyrtare”. Ata janë bashkfajtorë, ata janë bashkashkatërrues, ata janë groposësit dhe çakenjtë, që po shuajnë opozitën në këtë vend, për interesa thjesht personale.Gjithçka ka ndodhur deri sot, është vepër e atyre që çirren sot se “unë jam parti, unë jam kryetari, unë jam opozita”, por që në fakt kanë shuar çdo shpresë të atyre qindra e mijëra demokratëve, që besuan dhe ndoshta edhe vazhdojnë të besojnë se, ka akoma “dritë në fund të tunelit”. E ndërsa njëri kopjon stemën e Berluskonit dhe shpall kandidatët dhe koalicionin, tjetri çdo ditë del me deklarata shtypi dhe thellon ndasitë mes anëtarësisë, me barcaleta dhe definicione të denja, vetëm për drejtues shoqatash. Askush nuk po e kupton dhe askush nuk po merakoset, se opozita ka humbur dhe  do të humbasë çdo palë zgjedhje, siç është katandisur. Ajo është kthyer në leckë, ku çdo ditë  i “shqyhet” nga një copë, derisa ta shuajnë fare. Në rastin më të mirë, Partia Demokratike ndahet.Në rastin më të keq, shpërbëhet dhe i bashkohet si “aleate” Partisë Socialiste.

Edhe kjo nuk shihet si ndonjë e keqe e madhe, përkundrazi, qartëson hamendësitë, dhe qetëson ata që deri dje kanë besuar tek Basha. Madje bashkimi  qoftë edhe formal me Partinë Socialiste, do ta shpëtonte nga sikleti kryetarin zyrtar të asaj partie, dhe do ti hapte rrugën krijimit të një force të re që do të përfaqësonte opozitën. Por deri atëhere, Partia Demokratike dhe Foltorja, kanë përpara 6 Marsin, ditën kur vota e shqiptarëve në 6 bashki, do ti ndëshkojë ata për ti dhënë mësimin e duhur dyshes hipokrite Basha-Berisha.Revolucionit “paqësor”të Berishës, kryetari de jure i Partisë Demokratike Lulzim Basha, po i përgjigjet me përpjekje dëshpëruese.Një shprehje e urtë thotë “kur zihen elefantët, shkelet bari”. Kjo ka ndodhur me demokratët e thjeshtë në bazën e asaj partie, tek shohin me mëdyshje fundin e një beteje që sapo ka nisur, dhe nuk ka mbarim. Në këtë fushatë elektorale, shqiptarët do të dëgjojnë të pathënat e derisotme mes Bashës dhe Berishës.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bajga: 02/02/2022 17:08

    Bajge Berisha me bajge Basha.Kemi dhe topmutin LSI

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

25 Dhjetor, 17:03