Marrëdhëniet mes Kosovës e Serbisë po hyjnë në një nivel tjetër acarimi, gjendje kjo që u bë e qartë më 13 shtator nga presidenti Aleksandër Vuçiç. Në një konferencë të posaçme, presidenti serb shpalosi 7 kërkesa, si parakushte të domosdoshme për një përparim në procesin e dialogut mes Kosovës dhe Serbisë: shpalljen e zgjedhje në veri dhe tërheqjen e njësive speciale, kthimin e serbëve në Policinë e Kosovës dhe funksionet gjyqësore, asosacionin, lirimin e të burgosurve politikë dhe kthimin e dinarit.
Aludimet e mediave serbe se Beogradi synon ripushtimin e Kosovës u konfirmuan nga Vuçiç, i cili tha se ky skenar ka qenë pjesë e diskutimeve të brendshme.
Sipas një dokumenti që iu shpërnda mediave para daklaratës së Vuçiç, Parlamenti serb do të miratojë një vendim për “paligjshmërinë” e të gjitha institucioneve të themeluara në Kosovë, pas shpalljes së pavarësisë.
Pas këtyre zhvillimeve kryeministri i Kosovës Albin Kurti, sheh planin e Serbisë për sulme të tjera paramilitare dhe terroriste, duke përdorur si arsyetim lajme të rreme dhe fushata dezinformuese me mbështetjen e Rusisë.
Megjithatë, qasja e Kurtit karshi Serbisë, po kritikohet edhe brenda Kosovës. Ish- zëvendësministri i Jashtëm i Kosovës, Anton Berisha në një intervistë për Report Tv tha se Serbia po viktimizohet.
‘Vendimet e qeverisë Kurti, lidhur me komunitetin serb në veri, i kanë dhënë mundësinë Serbisë të viktimizohet në arenën ndërkombëtare”, tha ai.
Deklaratat e Vuçiç u kritikuan nga ndërkombëtarët. Kongresmeni amerikan, Ritchie Torres, thotë se Serbia po kërkon që Kosova të dorëzojë sovranitetin e saj dhe të kthehet në gjendjen e mëparshme, por kjo sipas tij nuk ka për të ndodhur
“Kosova është një vend i pavarur dhe do të mbetet i tillë në përjetësi, e ndihmuar nga miku i saj më i madh: Shtetet e Bashkuara të Amerikës. Historia është në anën e pavarësisë së Kosovës. Aleksander Vuçiç është në anën e gabuar të historisë”, shkruan Torres në rrjetin social X.
Pavarësisht deklaratave e veprimeve të njëanshme, Brukseli vazhdon rolin si pikë përbashkuese e 2 palëve, për uljen e tensioneve. Media Radio Evropa e Lirë njofton se kryenegociatorët e Kosovës dhe Serbisë, kanë konfirmuar pjesëmarrjen në takimin e 17 shtatorit në Bruksel, në kuadër të dialogut të ndërmjetësuar nga Bashkimi Europian. Por nuk përjashtohet mundësia që të zhvillohen vetëm takime bilaterale të të dy delegacioneve me emisarin e BE për dialogun Kosovë-Serbi, Miroslav Lajçak.
Lajme të tjera
-
SHBA dhe Serbia do të nënshkruajnë marrëveshje bashkëpunimi në fushën e energjisë
14 Shtator, 07:35 -
Deputeti i PDK i ashpër me Kurtin: Bën si hero, i ka shpallur luftë ndërkombëtarëve! Eksperti: Vuçiç në të njëjtin linjë me Moskën
13 Shtator, 20:30 -
Si u organizua sulmi terrorist në Banjskë? A ishte i informuar Vuçiç, çfarë paralajmëronte Radoiçiçi në vazhdimësi
13 Shtator, 18:59 -
Tensionet me Kosovën, Vuçiç del me 7 kërkesa: Zgjedhje të lira në veri, të formohet Asociacioni e pagesa me dinar! Serbët të kthehen në institucione
13 Shtator, 18:23 -
Albin Kurti jep alarmin: Vuçiçi në koordinim me Rusinë po përgatisin kërcënime dhe ultimatume të reja
13 Shtator, 17:30 -
Tensione në Veri, Vuçiç mund të urdhërojë pushtimin e Kosovës? Gazetari Isufi për REPORT TV: U kapën shuma të mëdha parash në Leposaviç, ka grafitë dhe pamflete në Zubin Potok
13 Shtator, 14:30 -
Mediat serbe: Vuçiç do shpallë Kosovën territor të pushtuar! Osmani: Kërcënon në stilin e Millosheviçit, janë njoftuar SHBA dhe BE
13 Shtator, 09:23 -
Dialogu Kosovë-Serbi, palët 1 vit pa u ulur në tryezën e bisedimeve
12 Shtator, 22:06 -
Vuçiç bisedon për Kosovën me ambasadorin e BE-së në Serbi
12 Shtator, 16:16 -
Kurti pas takimit me Spiropalin: Diskutuam mbi bashkëpunimin e gjerë dhe të fuqishëm
11 Shtator, 16:35 -
Kryetarja e Kuvendit Spiropali sot në Kosovë, takim me Kurtin dhe Konjufcën
11 Shtator, 10:44 -
Konjufca: Kosova në pritje të statusit të vendit kandidat të BE-së
10 Shtator, 22:36
