POP 5

Lajmet më të lexuara të 5 minutave të fundit

Arkiva

Ndjekje penale numëruesve të
votave në Ksamil, pritet certifikimi

Numëruesit e Ksamilit do shkojnë për ndjekje penale. Edhe pse u njoftua zyrtarisht mbrëmjen e së mërkurës, përfundimi i numërimit  të votave në të gjithë vendin, në KZAZ-në 89 në Ksamil të qarkut të Vlorës, u shpall rezultati pa numëruar 2 kutitë e fundit.
SARANDË - Numëruesit e Ksamilit do shkojnë për ndjekje penale. Edhe pse u njoftua zyrtarisht mbrëmjen e së mërkurës, përfundimi i numërimit  të votave në të gjithë vendin, në KZAZ-në 89 në Ksamil të qarkut të Vlorës, u shpall rezultati pa numëruar 2 kutitë e fundit.

Ndonëse nuk përbëjnë ndonjë diferencë në mandate, KQZ urdhëroi hapjen e këtyre kutive, mbylljen e rezultatit për Vlorën brënda 24 orëve, si dhe ndjekjen penale të individëve që refuzuan numërimin.

“Të urdhërojmë KZAZ nr. 89 menjëherë të hapë kutitë me fletët e votimit të qendrës së votimit 4709 dhe 4719 dhe të vazhdojë procesin e numërimit të votave për këtë qendër votimi duke sjellë brenda 24 orëve tabelat dhe materialin zgjedhor", tha Lefteri Lleshi, kryetare e KQZ-së.

"U numëruan atje ose këtu ata kanë shkelur ligjin dhe ne do ti çojmë për ndjekje penale dhe minimumi është 6 muaj burg, e ka të përcaktuar në kod. Ata që nuk kryejnë detyrën, që nuk vazhdojnë numërimin e votave",  u shpreh Hysen Osmanaj, anëtar i KQZ-së.

Përvec Ksamilit, Laçi, Kruja dhe disa njësi bashkiake në Tiranë ishin zonat e administrimit zgjedhor që mbanin peng mbylljen zyrtare të procesit  zgjedhor 2013.

Shkrimi u botua sot në gazetën Shqiptarja.com (print) 28.06.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40