Ndotja e ajrit në kryeqytetin e Indisë arrin në nivele kritike, mbyllen shkollat dhe kolegjet

Autoritetet në kryeqytetin indian, Delhi, kanë mbyllur të gjitha shkollat dhe kolegjet për një kohë të pacaktuar mes niveleve të përkeqësuara të ndotjes së ajrit.

Punimet në ndërtim janë ndaluar gjithashtu deri më 21 nëntor, por një përjashtim është bërë për mjetet e transportit. Vetëm pesë nga 11 termocentralet me qymyr në qytet janë lejuar të funksionojnë.

Një mjegull helmuese ka mbytur Delhi që nga festivali i Diwali. Nivelet e PM2.5, grimca të vogla që mund të bllokojnë mushkëritë e njerëzve, në Delhi janë shumë më të larta se udhëzimet e sigurisë së Organizatës Botërore të Shëndetësisë (OBSH). Disa pjesë të qytetit shënuan shifra afër ose më të larta se 400 të martën, e cila është kategorizuar si "e rëndë". Një shifër midis zeros dhe 50 konsiderohet "e mirë", dhe midis 51 dhe 100 është "e kënaqshme", sipas indeksit të cilësisë së ajrit.

Disa shkolla u mbyllën që javën e kaluar për shkak të ndotjes dhe qeveria e Delhi tha se ishte duke menduar për një bllokim për të përmirësuar cilësinë e ajrit pasi retë e dendura të smogut përfshinë qytetin.

Një përzierje faktorësh si emetimet e automjeteve dhe industriale, pluhuri dhe moti e bëjnë Delhi-n kryeqytetin më të ndotur në botë. Ajri bëhet veçanërisht toksik në muajt e dimrit pasi fermerët në shtetet fqinje djegin kashtën e të korrave. Fishekzjarrët gjatë festivalit të Diwali, që ndodh në të njëjtën kohë, vetëm sa përkeqësojnë cilësinë e ajrit.

J.SH./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Grupimi Berishës koalicion me LSI për zgjedhjet e 6 marsit. Mendoni se ky vendim do u sjellë:



×

Lajmi i fundit

John

Basha: Vetingu i politikanëve ndan shapin nga sheqeri! Berishës i është lidhur goja për denoncimin e oligarkëve se e mbështesin