Fatmira Serjani vuan prej vitesh nga astma bronkiale. Në fillim të korrikut kur tymi i dalë nga mbetjet e djegura me ditë të tëra në landfillin e Elbasanit, ra mbi qytet, gjendja e 63-vjeçares u përkeqësua. I duhej të përdorte pompën e astmës më shpesh se kurrë.

“Kam 15 vite që vuaj nga astma bronkiale dhe ato ditë kur ishte djegia urbane në Metalurgji, mua m’u mor fryma. Isha e detyruar ta bëja pompën 5-6 herë në ditë. Dhe përkeqësohesha”.

Djali i saj, aktivist dhe jurist i njohur, vendosi të mos e lërë një histori të harruar, edhe pse flakët u shuan.

Nënë e bir, Fatmira dhe Gentian Serjani, të dy banorë të Elbasanit, dorëzuan një padi civile ndaj kompanisë “Eco-Elb” dhe Bashkisë së Elbasanit, duke kërkuar përgjegjësi për ajrin e ndotur që u shpërnda në qytet pas zjarrit.

Gentian Sejrani thotë se nuk mund të lejohet që ndotja e ajrit të kalojë në heshtje dhe se institucionet përgjegjëse duhet të japin llogari.

“Padi civile sa i përket konstatimit të cënimit me faj të ndotjes së mjedisit nga kompania “Eco-Elb” dhe nga Bashkia Elbasan, dhe detyrimin e tyre në formë solidare për të shpërblyer dëmin shëndetësor, moral dhe mjedisor që i ka sjellë kësaj zonje dhe qytetit të Elbasanit, si dhe detyrimin e Bashkisë Elbasan për të marrë masat parandaluese për mospërsëritjen e një ngjarje të tillë. Kjo është padi e parë për nga lloji se si ngrihet, të shohim si do shprehet gjykata”.

Landfilli i mbetjeve në Elbasan, vetëm 3 kilometra nga qyteti, u përfshi në fillim të muajit nga flakët për disa ditë me radhë.

Për shuarjen e zjarrit u angazhuan disa mjete zjarrëfikëse, u hodh dhjetëra ton dhe për të izoluar vatrat e zjarrit në mbetjet plastike, u angazhua helikopteri “Cougar” si dhe dhjetëra forca të ushtrisë.

Matjet e realizuar nga ekspertë të pavarur treguan se ndotja e ajrit në Elbasan, për shkak të zjarrit në landifllin e qytetit dhe tymit masiv shkoi përtej nivele të moderuara, duke u shfaqur i pashëndetshëm.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qytetari: 15/07/2025 17:01

    Jo vetem keta por cdo qytetar i Elbasanit duhet ta padise Bashkine qe here tjeter ti therrase mendjes.

    Përgjigju
    • Lala: 15/07/2025 19:10

      Jo vetem kaq Po CDO qytetar I elbasanit duhet te vinte e te ndihmonte ne fikjen e zjarrit.po se ben.zjari Su vi vet Po NGA nxehtesia Öse NGA ndonje qytetar I papergjwgjshem.lejini keto se sben precedent gjykata se pastaj I Bie te paguhen gjith qytetaret e shqipris KU ka Ra Zjarr dike ta paguaj bashkia.dike tjeter ta paguaj komuna.etj etj. Ta garantoj QE sfitoin asgje

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera