POP 5

Lajmet më të lexuara të 5 minutave të fundit

Kronikë

Ndotja nga ujërat e zeza, SEEP
'mbyll' plazhet publike në Vlorë

Plazhet publike të Vlorës përbëjnë rrezikshmëri për shëndetin e pushuesve për shkak të ndotjes së tyre. Ky është përfundimi që nxori Instituti i Shëndetit Publik (ISHP). Organizata Social Education & Environment Protection, realizoi një aktivitet në plazhet publike të Vlorës për të informuar pushuesit për cilësinë e keqe të ujërave.
Ndotja nga ujërat e zeza, SEEP <br />'mbyll' plazhet publike në Vlorë
VLORE - Plazhet publike të Vlorës përbëjnë rrezikshmëri për shëndetin e pushuesve për shkak të ndotjes së tyre. Ky është përfundimi që nxori Instituti i Shëndetit Publik (ISHP) pas analizave laboratorike më 2 gusht 2012. Rezultatet flasin për një nivel të lartë të baktereve E.Coli dhe Streptoku fekale, si pasojë e derdhjes së ujërave të zeza të qytetit në det.

Lidhur me këtë situatë, organizata Social Education&Environment Protection (SEEP), realizoi një aktivitet në plazhet publike të Vlorës për të informuar pushuesit për cilësinë e keqe të ujërave dhe rrezikun që mund t’i vijë shëndetit të tyre.

Sipas SEEP, pushtetarët duhet të informojnë publikun për gjendjen e ndotur të ujërave dhe duhet të bëjë izolimin e plazheve. Në mungesë të këtyre impenjimeve nga institucionet përkatëse, SEEP bëri mbylljen e plazhit me një shirit të kuq, duke simbolizuar kështu izolimin e tij. Me pankarta e biseda të drejtpërdrejta me pushuesit, ishin format që SEEP përdori për ndërgjegjësimin e tyre ndaj ndotjes së detit në qytetin e Vlorës.

Ashtu siç rekomandohej nga ISHP, mos lejimi i pushuesve në këto plazhe është detyrë e pushtetit të Vlorës, për shkak se këto ujërave përbëjnë rrezik të lartë për shëndetin e komunitetit.

Aktiviteti u realizua në Plazhin përpara shkollës së Marinës, mbas një "Tryeze të Rrumbullakët Shkencore" të organizuar nga SEEP për këtë çështje, por edhe disa të tjera që po ndodhin në Plazhet Publike të qytetit të Vlorës, në bashkëpunim me disa Organizata Jofitimprurëse të tjera të qytetit.

Së fundi, SEEP paralajmëroi se aksione të tilla për këtë çështje do të ketë edhe në vijim, ku më i afërti pritet të jetë gjatë muajit shtator.

(Gre.M/Shqiptarja.com)

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Dy fitore në 26 javë, skuadra e La Liga-s shkarkon trajnerin

Dy fitore në 26 javë, skuadra e La Liga-s shkarkon trajnerin

20 Mars, 22:57