POP 5

Lajmet më të lexuara të 5 minutave të fundit

Kronikë

Ndreca i përgjigjet Berishës: Fabrikën
e miellit s'e privatizova me lekët e tua

Gjergj Ndreca, ish i burgosur politik që i vuri flakën vetes gati 10 ditë më parë, ka lënë ditën e djeshme spitalin e Selanikut ku po kurohej dhe me ambulancë është shfaqur në çadrën ku po zhvillohet greva e urisë.
TIRANE-  Gjergj Ndreca, ish i burgosur politik që i vuri flakën vetes gati 10 ditë më parë, ka lënë ditën e djeshme spitalin e Selanikut ku po kurohej dhe me ambulancë është shfaqur në çadrën ku po zhvillohet greva e urisë. Ndonëse në gjendje të rëndë shëndetësore dhe me shikim të dobësuar, ai ka deklaruar se do t'i bashkohet sërish grevës së urisë dhe i ka dhënë përgjigje edhe akuzave të Berishës duke iu përgjigjur se fabrikën e miellit e ka privatizuar me lekët e një të afërmi të tij dhe jo me lekët e dëmshpërblimit. Ai ka qëndruar gjatë gjithë kohës në autoambulancë, e cila nuk është lejuar të kalojë kordonin e policisë dhe të kontaktojë me grevistët.

Përse u kthyet sërish?
Jam kthyer për të qëndruar pranë shokëve të mi të vuajtjes. Mora vesh se greva do të zhvendoset para ambasadës amerikane. Aty do të vdesim të gjithë. Ne e kemi fituar betejën.

Ju dolët vetë nga spitali, apo u përmirësuat?
Jo dola vetë, sepse doja të isha këtu, ku po zhvillohet greva.

Greva është cilësuar si politike, pasi Edi Rama pagoi kurimin tuaj...?
Edi Rama nuk ka dhënë asnjë lekë për kurimin tim, unë jam trajtuar në spitalin shtetëror të Selanikut. Por për mua kanë paguar të gjithë shqiptarët me moralin e tyre. Dhe për këtë u jam shumë mirënjohës. Të gjithë janë solidarizuar me ne, vetëm bunkeri i PD-së nuk është solidarizuar.

Gjykata ka dhënë vendim për shpërndarje të grevës pasi e cilëson të paligjshme, ju çdo të bëni?
Ne nuk e njohim vendimin e gjykatës dhe as këtë qeveri. Nëse ata duan ne e mbyllim grevën sot dhe e fillojmë sërish nesër. Ne njohim vetëm gjykatat ndërkombëtare dhe çështja jonë do të shkojë në Hagë.

Ju jeni gati t'i shkoni deri në fund kësaj greve?
Kjo është edhe arsyeja që përse erdha. Dështova njëherë, nuk mund të dështoj për së dyti.

Po për negociatat me presidentin, a keni ndonjë shpresë?
E kam njohur atë para disa vitesh. Nuk kam asnjë lloj shprese tek ai.
Kryeministri Berisha ju ka akuzuar se ju, me paratë e dëmshpërblimit keni blerë një fabrikë mielli, a është e vërtetë kjo?
Akuzat e Berishës janë vetëm fjalë. Atë fabrikë unë e kam me ortakëri me një njeriun tim, është burri i tezes sime që ka jetuar gjithmonë në Amerikë. Në 1991 ai ka ardhur në Shqipëri nga Kalifornia me 500 mijë dollarë, ndërsa unë së bashku me shokët e mi kemi paguar 233 mln lekë me letra me vlerë. Dmth secili prej nesh ka paguar pjesën që i takonte. Ndërsa sa i përket dëmshpërblimit unë kam marrë vetëm një këst para tre vitesh. Unë i them Berishës se nuk jam bandit dhe se fjalën ma pret vetëm plumbi se për atë fjalë të kemi vuajtur një jetë të tërë. Tani jemi kthyer sërish si në vitet '81.

ÇFARË THA BERISHA PËR GJERGJ NDRECËN MË 15 TETOR
"Ndreca përfitoi fabrikë, nëpërmjet letrave me vlerë të dhëna nga qeveria e PD-së, gjithashtu pronar i impiantit të mbarështrimit të derrave. Por ky biznes do punë dhe jo raki, jo bixhos, për t’i menaxhuar. Ai mori kredi, por banka ia konfiskoi, sepse, nëse bëhesh delenxhi e nuk paguan borxhin, konfiskohesh. Ligji vepron. Kështu që i ikën edhe derrat, dhe tani, në grazhdin e PS-së, do të ndërtojë bizneset e reja." Këto akuza janë përsëritur nga kryeministri Berisha në konferenca për shtyp, por dhe në seancat parlamentare menjëherë pasi Gjergj Ndreca tentoi të vetëflijohej duke u djegur me benzinë më 8 tetor. 
(Intervista u botua sot ne gazeten Shqiptarja.com)
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Disa republikanë në Dhomën e Përfaqësuesve, hartojnë një projektligj për blerjen e Groenlandës

Disa republikanë në Dhomën e Përfaqësuesve, hartojnë një projektligj për blerjen e Groenlandës

13 Janar, 20:37