TIRANË - Komisionet parlamentare pritet që t`i nënshtrohen edhe një herë ndryshimeve në përbërjen e tyre, edhe pse këto me lëvizje të vogla të deputetëve si dhe me shtesat që do vijnë nga deputetët e rinj. Bëhet fjalë pikërisht pas dorëzimit të mandatit të deputetit nga ana e ministrave të qeverisë, të cilët do të zëvendësohen me deputetët pasues që janë në listat shumëemërore të Partisë Socialiste dhe LSI.

Ndonëse kreu i qeverisë, Edi Rama konnfirmoi se ende nuk është vendosur se kur do të nisë procesi i dorëheqjes së ministratve nga mandati i deputetit pritet që fillimi i vitit të ri parlamentar të sjellë ndryshime, ndonëse jo shumë të mëdha në përbërjen e disa komisioneve parlamentare.

Duket se Komisioni i Ligjeve do të jetë dhe komisioni që do të pësojë më shumë ndryshime, i cili edhe mund të pësojë ndryshime edhe në shtimin e numrit të anëtarëve.
 
Shkrimi u publikua sot (16.10.2013) në gazetën Shqiptarja.com (print)
Redaksia online
(ac/shqiptarja.com)