Ndryshime në refrenin shqip
të këngës së Eneda Tarifës  

Kënga Eneda Tarifës, që nga publikimi në versionin final në gjuhën angleze është pritur me reagime negative nga ndjekës të festivalit europian Eurosong Contest. 

Shumica e komentuesve të huaj dhe shqiptarë kanë kërkuar që kënga të rikthehet në versionin e vjetër, në gjuhën shqipe. 

Kompozitorja e këngës Olsa Toqi ka pohuar se pas kësaj kënga do të shkojë me ndryshime në Stokholm, por ende nuk është vendosur përfundimisht. “Nëse do bëhet ndonjë ndryshim do jetë vetëm një refren në gjuhën shqipe”, ka thënë kompozitorja e këngës. 


Deri në lajmin përfundimtar se çfarë do të ndryshohet në këngën e Eneda Tarifës, shpresojmë që deri më 12 maj kur ajo të ngjitet në skenën e Eurovizionit ta përfaqësojë denjësisht Shqipërinë.