POP 5

Lajmet më të lexuara të 5 minutave të fundit

Sport

Ndryshime te trajnerët e ekipeve kombëtare të moshave/ Cungu zgjidhet pasuesi i Dedes te U-19, Bulku emërohet te U-17

Ka disa risi, por edhe konfirmime të trajnerët e ekipeve kombëtare të moshave.

Ndryshime te trajnerët e ekipeve kombëtare të moshave/ Cungu zgjidhet pasuesi i Dedes te U-19, Bulku emërohet te U-17

Federata Shqiptare e Futbollit ka njoftuar disa risi por edhe konfirmime përsa i përket emrave të trajnerve të ekipeve kombëtare të moshave. Të U-21 është konfirmuar Alban Bushi, ndërsa te U-20 do ta drejtojë tashmë trajneri i ri Ilias Haxhiraj.

Interesant është fakti se vendin e Nevil Dedes, trajnerit tashmë ta larguar edhe nga Tirana, te Kombëtarja U-19 do të marrë Armando Cungu, një njohës shumë i mirë i futbollit shqiptar.

Për t’u veçuar edhe emërimi i Ervin Bulkut si trajner i ekipit U-17. Bulku së fundmi ishte pjesë e Kombëtares A si ndihmës i Edi Rejës, por tani do të mbajë një pozicion të ri.

Njoftimi i FSHF

“Federata Shqiptare e Futbollit ka vendosur për emrat e trajnerëve të ekipeve Kombëtare të moshave. Zyra e Shtypit në FSHF bën me dije se Alban Bushi konfirmohet në këtë post dhe do të jetë sërish trajner i ekipit Kombëtar U-21. Ndërsa, ekipin Kombëtar U-20 do ta drejtojë tashmë trajneri i ri Ilias Haxhiraj.
Trajneri i ri i ekipit Kombëtar U-19 është Armando Cungu, kurse ekipin e moshës U-18 do ta drejtojë Ardi Behari.
Risia tjetër është emërimi i Ervin Bulkut si trajner i Kombëtares U-17. Ish-futbollisti i njohur ka qenë së fundmi edhe pjesë e stafit teknik të Kombëtares A dhe një nga ndihmësit e Edy Rejas. Gjithashtu, risi ka edhe për stolin e ekipit të moshës U-16 që do të ketë si trajner Agron Kërçovën.
Një tjetër konfirmim është ai i Armand Damës, i cili do të vazhdojë jetë trajner i Kombëtares U-15.
Trajnerët e ekipeve Kombëtare ishin në skadencë kontrate dhe pas një procesi konsultimi Federata Shqiptare e Futbollit mori vendimin përfundimtar, duke konfirmuar dy prej tyre dhe duke emëruar trajnerë të rinj në 5 ekipet e tjera,”-njofton FSHF.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

31 Mars, 22:55