POP 5

Lajmet më të lexuara të 5 minutave të fundit

Media

Ndryshimi i ligjit për RTSH, Pollo:
Drejtori s'mund të kapet nga Rama

Për demokratët, ndryshimet në ligjin për Televizionin Publik Shqiptar nuk mund të bëhen pa u konsultuar më parë me ndërkombëtarët, Bashkimin Evropian, OSBE-në dhe Këshillin e Evropës. Në një prononcim për gazetarët deputeti i PD-së, njëherësh kreu i Komisionit të Medias, Genc Pollo, tha se "drejtori i Radio Televizionit Publik nuk mund të kapet nga kryeministri".  VIDEO
Ndryshimi i ligjit për RTSH, Pollo:<br />Drejtori s'mund të kapet nga Rama
TIRANË - Për demokratët, ndryshimet në ligjin për Televizionin Publik Shqiptar nuk mund të bëhen pa u konsultuar më parë me ndërkombëtarët, Bashkimin Evropian, OSBE-në dhe Këshillin e Evropës. Kështu shprehet deputeti i PD-së, njëherësh kreu i Komisionit të Medias, Genc Pollo pas propozimit të 28 deputetëve të PS dhe LSI për amendim në këtë ligj për procedure e zgjedhjes së drejtorit të RTSH. 

Pollo tha se "drejtori i Radio Televizionit Publik nuk mund të kapet nga kryeministri".
 
Ligji i vjetër i vitit 2013 sipas tij, e bënte institucionin më të pavarur politikisht. Sipas ligjit në fuqi, zgjedhja e drejtuesit të RTSH-së kërkon konsensus absolut, i cili nuk është arrtirur mes mazhorancës aktuale.
 
"Për dy vjet e gjysmë pranuam që dy kandidatë për drejtorin e RTSH-së të ishin nga Partia Socialiste, por nuk mund të pranojmë që emri të përcaktohet ekskluzivisht nga Rama", - u shpreh Pollo.
 
Një ditë më parë, nënkryetari i Komisionit kuvendor të Medias, socialisti Alfred Peza, tha se PS dhe LSI kanë mbledhur firmat e nevojshme të deputetëve për të amenduar ligjin për TVSH-në. Sipas këtij ndryshimi drejtori i RTSH-së zgjidhjet me të njëjtën formulë si Presidenti nga Këshilli Drejtues i Televizionit, që do të thotë se nëse në 3 raundet e para nuk zgjidhet me shumicë të cilësuar në raundin e katërt për zgjedhjen e tij me shumicë të thjeshtë

“Do të zhvillohen 5 votime nga ana e Këshillit Drejtues të RTSH për zgjedhjen e drejtorit të ri.  3 votimet e para do të jenë me shumicë të cilësuar të votave të anëtarëve të Këshillit dhe kryetarit të këtij Këshilli dhe nëse nuk zgjidhet në 3 votimet e para me shumicë të cilësuar atëherë në votimet e 3 dhe të 5-të kalohet tek zgjedhja e drejtorit të ri të përgjithshëm të RTSH me shumicën e thjeshtë të votove. Nëse edhe pas votimeve më shumicë të thjeshtë nuk arrihet të zgjidhet atëherë Këshilli shkrihet dhe fillon procedura e zgjedhjes edhe të Këshillit dhe gjithë zinxhirit drejtues të Radio Televizionit Publik Shqiptar nga e para”, tha Peza.
 
Me 28 firmat e deputetëve, nisma për amendimet në ligj kalon me procedurë të përshpejtuar.
 
Drejtori i Përgjithshëm i Televizionit publik shkarkohet me dy të tretat e votave të Këshillit Drejtues i cili 10 ditë pas hyrjes në fuqi të ligjit fillon ndryshimin.

Në konferencën e fundvitit 2015, vetë kryeministri Edi Rama tha se drejtuesi i Radio Televizioni Publik Shqiptar do të zgjidhet në Janar, por edhe pse ky muaj ka kaluar tashmë puna është duke vijuar për tu finalizuar shumë shpejt. 

Redaksia Online
(Gre.M/Shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Milani përballet me Real Madridin, Fonseca: Jemi të motivuar, Leao luan nga minuta e parë

Milani përballet me Real Madridin, Fonseca: Jemi të motivuar, Leao luan nga minuta e parë

5 Nëntor, 15:19