Ndryshon formati i Champions League

Pas vitit 2024 të tre veprimtaritë e Kupave të Evropës për klube do të ndryshojnë formatin. Në vend të 32 skuadrave pjesëmarrëse, ashtu si ishte deri tani, nga edicioni i ardhshëm në Champions League do të marrin pjesë gjithsej 36 skuadra.

Renditja sezonale e UEFA-s u jep një vend shtesë dy kampionateve më të mira. Në grup luhen 8 ndeshje, në vend të 6 dueleve të zakonshmeve. Nuk ka ndeshje kthimi, por 8 kundërshtarë të drejtpërdrejtë të vendosur nga shorti në grupe. 36 skuadrat do të renditen në 4 grupe me nga 9 ekipe, në bazë të renditjes së klubeve, me kampionët e ligave si koka grupi.

Pra 36 ekipe, të ndara në 4 grupe me 9 skuadra, në bazë të renditjes së klubeve në UEFA, do të luajnë 8 ndeshje në çdo grup. Nuk ka ndeshje kthimi, por 8 kundërshtarë të vendosur nga shorti që do hidhet në gusht në Monte Carlo. Pas ndeshjeve në grupe, 8 më të mirat në renditje shkojnë direkt në raundin e 1/16.

Ata nga vendi i 9-të në të 16-të përballen me ata të renditura nga vendi 17-24. 8 fituesit arrijnë në 1/8-at e finaleve.

Skuadrat që eliminohen nuk kanë mundësi më të zbresin në Europa League. Do të ketë vetëm një short, ai i gushtit pasi përcaktohen 36 ekipet. Minimumi 15 ndeshje për të fituar Ligën e Kampionëve, ndryshe nga 13 që luheshin më parë.

Sistemi i ri gjithashtu revolucionarizon Ligën e Europës dhe Ligën e Konferencës. Edhe këto dy turne do të kenë të njëjtën formulë me 36 ekipe. Mbetet vetëm për t’u parë se si do të funksionojë në realitet.

S.DH/Shqiptarja.com

TAG:
• champions league
• uefa