POP 5

Lajmet më të lexuara të 5 minutave të fundit

Politikë

Ndryshon ligji / Personat që nuk mund të pajisen kurrë me armë, përfshihen të rinjtë, të moshuarit, të dënuarit deri tek burrat dhunues

Kuvendi ndryshon ligjin për forcimin e kontrollit mbi armët e zjarrit, kritere të rrepta dhe kufizim të rrethit të personave, kush është mbi 70 vjeç dhe nën 25 vjeç nuk mund të mbajë armë me leje, ndalohet përfundimisht leja për mbajtje të armëve të ftohta 

Ndryshon ligji / Personat që nuk mund të pajisen kurrë me armë, përfshihen të rinjtë, të moshuarit, të dënuarit deri tek burrat dhunues

Foto ilustruese

Në Kuvendin e Shqipërisë ka nisur shqyrtimi i projektligjit për ndryshimin e ligjit për armët të vitit 2014. Ndryshimet parashikojnë forcimin e kontrollit mbi armët, kritere më të forta për t’u pajisur me armë me leje, gjurmimin dhe regjistrimin e armëve, me qëllim rritjen e sigurisë publike dhe zbatimin e detyrimeve që rrjedhin nga konventat ndërkombëtare.

Në këtë kuadër është vendosur të ndalohet me ligj e drejta për t’u pajisur me çfarëdolloj arme me leje për personat mbi 70 vjeç si dhe nën 25 vjeç. Gjithashtu nuk mund të aplikojnë për t’u pajisur me armë për çfarëdolloj arsye personat për të cilët gjykata ka caktuar një masë sigurie si dhe ata që janë dënuar me vendim jopërfundimtar për kryerjen e krimeve të ndryshme. 

Në ligjin në fuqi ishte kriter ndalues vetëm dënimi i formës së prerë. Tashmë përfshihet në kriteret ndaluese edhe dënimi nga shkalla e parë dhe kur Apeli nuk është shprehur ende. Nuk mund të pajisen me asnjë nga autorizimet për të mbajtur armë personat e evidentuar nga policia për ushtrim dhune në familje, për kundërshtim me ndaj punonjësve të Policisë së Shtetit apo nëpunësve publik, për çështje të hakmarrjes si dhe për sjellje që cenojnë rendin dhe sigurinë në komunitet. Gjithashtu, nuk mund të pajisen me autorizim për të mbajtur armë personat me me aftësi të kufizuara dhe ata që janë evidentuar si përdorues droge. 

Projektligji parashikon 19 lloje armësh, të cilat nuk mund t’i mbajnë vetëm punonjësit e shtetit, që nga armët automatike, pistoletat me silensiator, armë për përdorim të agjentëve kimikë, armë paralizuese elektrike, armë e drejtuar me energji, armë zjarri automatike të modifikuara, armë zjarri e shkurtër që shkrep më shumë se 21 fishekë pa rimbushje etj. Ndryshimet që pritet të miratohen në Kuvend, heqin nenin 29 në ligjin në fuqi, për autorizimin për mbajtjen e armëve të ftohta, që do të thotë se nuk do të ketë më leje për të mbajtur armë të ftohta. 

( Kliko këtu ) Projekt-ligji i plotë për armët

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Agjenti: 14/11/2020 07:33

    Te gjithe me arme pa leje jane vrare. Ska ndodhur te kete ngjarje me arme me leje te blera ne dyqanet e armeve.

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

21 janari, Braçe thirrje Bashës, Metës e Berishës: Mos u kacafytni, tregojani SPAK-ut çfarë dini për njëri-tjetrin! Jeni bërë halucinantë

21 janari, Braçe thirrje Bashës, Metës e Berishës: Mos u kacafytni, tregojani SPAK-ut çfarë dini për njëri-tjetrin! Jeni bërë halucinantë

22 Korrik, 17:53