POP 5

Lajmet më të lexuara të 5 minutave të fundit

Ekonomi

Në 11 muaj të 2020-ës, në vend erdhën 3.6 mln të huaj më pak, humbja financiare rreth 1 mld euro! Mbizotëroi turizmi patriotik

Në 11 muajit e këtij viti në vend kanë ardhur vetëm 2.4 milionë turistë me një rënie prej 59.5% krahasuar me vitin e kaluar. Tkurrja më e madhe e turistëve është nga Spanja, Polonia dhe SHBA, ndërsa turizmi patriotik mbizotëroi pasi vetëm nga Kosova kanë ardhur 1.2 milionë persona.

Shqipërisë këtë vit i munguan 3.6 milionë turistë të huaj, e cila përkthehet në rreth 1 miliard euro humbje krahasuar me vitin 2019 ku u mblodhën nga ky sektor 1.8 miliardë euro.

Për shkak të mbylljes së kufijve dhe masave të ashpra nga shtetet për të mos lejuar përhapjen e pandemisë COVID-19, rënia e hyrjeve turistike ishte e pritshme, por  nëekonominë e vendit tonë ndikon ndjeshëm për shkak të varësisë së lartë që kemi ndaj këtij sektori.

Instituti i statistikave raporton se në 11 muaj në vend hynë vetëm 2.4 milionë shtetas të huaj me një rënie prej 59.5%, krahasuar me të njëjtën periudhë të një viti më parë, kur në vend kishin hyrë 6.1 milionë të huaj.

Mbi 50% e të huajve që hynë në territorin tonë janë shtetas nga Kosova.Konkretisht në Shqipëri nga Janari në Nëntor erdhën 1 milionë e 293 shtetas nga Kosova me një rënie prej 40.4%, që është edhe rënia më e lehtë krahasuar me turistët e shteteve të tjera. Këto dhëna tregojnë se viti 2020 mund të konsiderohet plotësisht si turizmi patriotik.

Rënia më e madhe është regjistruar me Spanjën, pasi në vend hynë 90.7% shtetas më pak, duke u ndjekur nga Polonia me tkurrje 81.7% dhe nga SHBA me -80.4%.

E teksa të gjitha hyrjet për turizëm, qëllime fetare apo kalimtar transit janë në rënie mbi 60%, vetëm shtetasit e huaj që kanë ardhur për biznes janë në rritje. Sipas raportit të INSTAT krahasuar me 11 mujorin e 2019, këtë vit personat që kanë ardhur për biznes në Shqipëri janë në rritje prej 13.8%, kjo për shkak se edhe në pandemi lejohen lëvizjet për arsye biznesi.

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Speciale/ Burrat e Hasit sfidojnë gratë! Gatuajnë flinë 2 metra

Speciale/ Burrat e Hasit sfidojnë gratë! Gatuajnë flinë 2 metra

12 Janar, 10:41 nga Benet Beqiri