Në 2022 vendi do emetojnë eurobondin 500 mln €, Ministria e Financave: Koha e shlyerjes do jetë 7 deri në 10 vjet

Shqipëria do të dalë në vitin 2022 në tregjet ndërkombëtare për të marrë një borxh të ri në vlerën e 500 milionë eurove. Eurobondi që pritet të emetohet në vitin e ardhshëm do të përdoret për të mbuluar nevojat e qeverisë, si për financimin e borxhit të kaluar ashtu edhe për nevojat që ka shkaktuar pandemia.

Në dokumentin e hartuar nga Ministria e Financave, ku kërkohet menaxheri që do të udhëheqë vendin në daljen në tregun e huaj, jepen edhe detaje mbi këtë eurobond, i cili do të ketë afat maturimi deri në 10 vite.

“Maturimi i konsideruar duhet të jetë nga 7 deri në 10 vjet, ndërsa shuma e emetuar do të jetë në rreth 500 milion dhe monedha e parashikuar është Euro”, thuhet në dokumentin e Ministrisë së Financave dhe Ekonomisë.

Ky do të jetë eurobondi i 5 që vendi ynë do të marrë në tregjet e huaja, pasi deri më tani kemi marrë në tregjet e huaja 1.9 miliardë euro eurobonde. Në 2010 u emetua eurobondi 300 milionë euro me normë interesi 7.5%, në 2015 u mor borxh 450 milionë euro me normë 4.75%, në 2018 ishte i radhës 500 milionë euro me interes 3.5% dhe i fundit Eurobond u emetua  në qershor e kaluar në vlerën e 650 milionë eurove me afat maturimi 7 vjet dhe me normë interesi 3.50%.

EUROBONDET E EMETUARA

Viti              Vlera               Interesi

2010         300 mln €              7.5%

2015         450 mln €             4.75%

2018         500 mln €              3.5%

2020         650 mln €             3.50%

2022         500 mln €               ?

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë