Lezhë-Ditët e para të vitit 2026 kanë nisur me rrugë të përgjakura nga aksidentet, ku mëngjesin e sotëm një aksident i rëndë ka ndodhur në aksin Lezhë- Shkodër.

Nga përplasja e fortë e dy automjeteve në afërsi të fshatit Gocaj, dy persona kanë ndërruar jetë, ndërsa 1 grua dhe 2 fëmijë të mitur njëri 6 dhe tjetri 2 vjeç që udhëtonin me mjetin tjetër që u përfshi në aksident janë plagosur.

Burime për Report Tv bëjnë me dije se dy viktimat janë një çift bashkëshortësh nga Puka, të cilët janë identifikuar Elona Florini 42- vjeç dhe Petrit Florini, 53- vjeç ky i fundit me detyrë efektiv policie, ndërsa gruaja me profesion mësuese.

Për nxjerrjen e trupava kanë ndërhyrë forcat zjarrfikëse të cilët më pas u morën me ambulancë. Policia dhe grupi hetimor ndodhen në vendgjarje për zbardhjen e shkaqeve të këtij aksidenti.

Ngricat dhe temperaturat e ulëta shkaktuan disa aksidente në Rrugën e Kombit, ku u përplasën rreth 10 automjete, përfshirë edhe një ambulancë, ndërsa një autobus është përmbysur në rrugë në afërsi të Rrëshenit.

Një tjetër aksident është shënuar edhe në rrethrrotullimin e Savrës ku janë përfshirë dy mjete tip Benz ndërsa nuk ka pasur lëndime në njerëz, vetëm dëme materjale.

Edhe fillimi i vitit nisi me një aksident tragjik në aksin Gjirokastër–Tepelenë, në vendin e quajtur “Bypass”. Nga përplasja e dy automjeteve, tre persona Klejdi Myftari, 24 vjeç, Anxhelo Ruçi, 27 vjeç, dhe Martin Dulaj, 25 vjeç humbën jetën. E plagosur mbeti e fejuara e Dulajt, Arsida Demiri, 19 vjeçe, u transportua në Spitalin e Traumës në Tiranë dhe ndodhet në gjendje të rëndë.

Njoftimi i policisë: 

Lezhë / Informacion paraprak/ Rreth orës 08:00, në aksin rrugor “Lezhë–Mabë”, në vendin e quajtur Gocaj, janë përfshirë në një aksident rrugor dy automjete: automjeti me drejtues shtetasin F. L. dhe automjeti me drejtues shtetasin P. F.

Si pasojë e aksidentit kanë humbur jetën shtetasi P. F., rreth 53 vjeç, si dhe pasagjerja në këtë mjet, shtetasja E. F., rreth 45 vjeç, bashkëshortë.

Gjithashtu, janë dëmtuar 3 pasagjerë që ndodheshin në automjetin me drejtues shtetasin F. L., konkretisht bashkëshortja e tij dhe dy fëmijët e mitur, 6 dhe 2 vjeç, të cilët ndodhen jashtë rrezikut për jetën.

Grupi hetimor vijon punën për sqarimin e plotë të rrethanave të këtij aksidenti.

Rendit zhvillimet sipas orarit:
Ora 10:49
Ngrin Rruga e Kombit, 10 automjete të përfshira në disa aksidente, mes tyre dhe një ambulancë

1767347503_aa.JPG

Në Rrugën e Kombit janë shkaktuar për shkak të ngricave dhe temperaturave të ulëta, disa aksidente rrugore në mëngjesin e sotëm.

Mësohet se në aksidente janë përfshirë gjithsej rreth 10 automjete, mes tyre edhe një ambulancë

S.B/Shqiptarja.com

Ora 10:03
Aksident i rëndë në Lezhë, Report Tv siguron foton e çiftit të bashkëshortëve që humbën jetën

1767344129_petritflorini.png

Report Tv ka siguruar foton e dy viktimave që humbën jetën në aksidentin që ka ndodhur mëngjesin e sotëm në aksin Lezhë–Shkodër. Çifti i bashkëshortëve nga Puka janë identifikuar me emrat Petrit Florini, efektiv policie, dhe Elona Florini, mësuese. 

S.B/Shqiptarja.com

Ora 09:51
Lushnje/ Aksident në rrethrrotullimin e Savrës, përplasen 2 mjete, s'ka të lënduar (VIDEO)

 

Aksidenti i ndodhur dje në rrethrrotullimin e Plukut, është pasuar nga një tjetër aksident i ndodhur mëngjesin e sotëm në rrethrrotullimin e Savrës.

Në të dyja rastet aksidentet kanë qenë me dëme materjale dhe me lëndime të lehta për drejtuesit e mjeteve dhe bashkëudhëtarët e tyre.

Në aksidentin e ndodhur sot në rrethrrotullimin e Savrës janë përfshirë dy mjete tip Benz me dëme materjale.

Sipas policisë së qarkullimit shkaku i aksidentit kanë qenë manovrat e gabuara dhe mosrespektimi i kodit rrugor nga drejtuesit e mjeteve të përfshira në aksident.

S.B/Shqiptarja.com

Ora 09:47
Moti i keq shkakton aksident në Rrugën e Kombit, autobusi përmbyset në rrugë (VIDEO)

 

Moti keq me temperatura të ulëta ka krijuar ngrica në Rrugën e Kombit. Per pasoje një autobuz është përmbysur në afërsi të Rrëshenit.

Burime për Report Tv bëjnë me dije se ka edhe persona të plagosur.

S.B/Shqiptarja.com