Në aksin Laç-Mamurras përplasen
3 mjete, 1 i vdekur, 4 të plagosu

LAC- Një i vdekur dhe katër të plagosur, është bilanci i një aksidenti të trefishtë të regjistruar pasditen e sotme në aksin Lac-Mamurras. Ngjarja ka ndodhur në vendin e quajtur Fushë-Gjormë, kur automjeti tip Fiat “Punto” me targa AA 484 BP, me drejtues shtetasin Sander Hilaj, duke lëvizur në superstradë në drejtimin Laç – Mamurras, është përplasur me automjetin Wolsvagen “Pasat” me targe AA 593 BP, me drejtues shtetasin Anton Gjoka, banues ne Mirdite, i cili udhëtonte në të njëjtin drejtim.

Për pasojë dy mjetet kanë dalë nga rruga, dhe automjeti ‘Fiat Punto’ është përplasur me një mur ndarës të një karburanti dhe më pas është përplasur me automjetin ‘Furgon Sprinter’ me targa TR 5482 K, i cili ndodhej i parkuar në anë të rrugës.

Si rezultat i përplasjes fatale ka humbur jetën 47-vjecari Aleks Pula dhe janë plagosur Sandër Hilaj, Mark Simoni, Marije Simoni dhe Anton Gjoka, të cilët janë transportuar me urgjencë drejt Spitalit Ushtarak të Tiranës për marrjen e ndihmës mjekësore.

Në vendgjarje kanë mbërritur forcat e policisë, të cilët kanë nisur hetimet për zbardhjen e plotë të shkaqeve të aksidentit të rëndë.

Redaksia Online
(e.s/shqiptarja.com)