Carlo Ancelotti është emri më i lakuar për të drejtuar skuadrën kombëtare të Brazilit. Largimi i Tite pas Kupës së Botës ka bërë që skuadra "Selecao" të jetë në kërkim të një emri me peshë, duke dashur si trajner italianin e Real Madrid.
Në deklaratën e dhënë për BeIN Sports, kreu i futbollit brazilian Ednaldo Rodrigues u shpreh se Ancelotti është i preferuari i tyre. Për momentin Brazili drejtohet nga trajneri i përkohshëm, Ramon Menezes.
“Nuk po them që Ancelotti ka marrë një ofertë nga ne, por ne duam të bindemi nëse ai dëshiron të vijë këtu. Kemi një plan A dhe po e them sinqerisht për herë të parë. Është e kotë ta fshehim, Ancelotti është i preferuari ynë", tha mes të tjerash Ednaldo Rodrigues.
![]()
Trajneri italian, prej vitesh një ndër më të mirët dhe më fituesit në qarkullim, ka kontratë deri në vitin 2024 me “Los Blancos”.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)