POP 5

Lajmet më të lexuara të 5 minutave të fundit

Bota

Në det të hapur! Foshnja vjen në jetë në një gomone emigrantësh në brigjet e Ishujve Kanarie

Një foshnje erdhi në jetë në një gomone të mbushur me emigrantë që po lundronte nga Afrika në drejtim të Ishujve Kanarine, kanë raportuar rojet bregdetare spanjolle.

Në det të hapur! Foshnja vjen në jetë në një gomone emigrantësh në brigjet e Ishujve Kanarie

Gomonja e emigrantëve ku foshnja erdhi në jetë

Një foshnje erdhi në jetë në një gomone të mbushur me emigrantë që po lundronte nga Afrika në drejtim të Ishujve Kanarine, kanë raportuar rojet bregdetare spanjolle.

Ata kanë publikuar një foto të fëmijës në krahët e nënës së tij dhe i rrethuar nga dhjetëra emigrantë. Gomonia u vu re për herë të parë më 6 janar, pranë ishullit Lanzarote.

Kapiteni i varkës së shpëtimit tha se ishin në dijeni që në bord ndodhej një grua shtatzënë, por u habitën kur gjetën “një foshnje lakuriq që kishte lindur 10, 15 apo 20 minuta më parë”.

Sipas 'Indipendent' Domingo Trujillo u shpreh se kur arritën te gomonia, nëna ishte e shtrirë ndërsa fëmija gjendej në krahët e një personi tjetër. Ekipi mendon se arritën te mjeti i lundrimit pak pas lindjes së fëmijës në ditën që Spanja feston Epifaninë, një festë ku fëmijët marrin dhurata.

Sipas udhëzimeve mjekësore, fëmija dhe nëna u transportuan me helikopter në spitalin e Lanzarote. Autoritetet nuk kanë raportuar për ndërlikime.

Kalimi i oqeanit nga Afrika drejt Ishujve Kanarine është tejet i rrezikshëm. Mbi 46.800 emigrantë klandestinë e përshkuan këtë rrugë vitin e shkuar për të shkuar drejt ishujve, kanë pasqyruar të dhënat e qeverisë spanjolle.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Identifikohet i dashuri i vajzës që alarmoi policinë në 'Astir', blutë në kërkim të tij

Identifikohet i dashuri i vajzës që alarmoi policinë në 'Astir', blutë në kërkim të tij

9 Janar, 21:50