Në dhjetor u dënua me 3 vite shërbim prove për ryshfet, KPK shkarkon nga detyra gjyqtaren e Durrësit, Mimoza Margjeka

Në dhjetor u dënua me 3 vite shërbim prove për ryshfet, KPK shkarkon nga detyra gjyqtaren e Durrësit, Mimoza Margjeka

Ish-gjyqtarja Mimoza Margjoka

Komisioni i Pavarur i Kualifikimit (KPK) shkarkoi sot nga detyra gjyqtaren e Gjykatës së Shkallës së parë në Durrës, Mimoza Margjeka e cila në dhjetor të vitit të kaluar u dënua përfundimisht me 3 vite shërbim prove për marrjen e ryshfetit për të lehtësuar masën e sigurisë së një personi të ndaluar në Pogradec.

Vendimi për shkarkimin e Margjekës u mor nga trupi gjykues i kryesuar nga Genta Tafa Bungo, Roland Ilia relator dhe Suela Zhegu anëtare.

“Komisioni i Pavarur i Kualifikimit njofton se pas shqyrtimit të dokumentacionit dhe zhvillimit të seancës dëgjimore në datën 26 shkurt për subjektin e rivlerësimit,  Mimoza Margjeka, bazuar në ligj vendosi shkarkimin nga detyra të subjektit të rivlerësimit Mimoza Margjeka, gjyqtare në Gjykatën e Shkallës së Parë të Juridiksionit të Përgjithshëm Durrës”, thuhet në njoftim.

Mimoza Margjeka u ndalua në shtator të vitit 2020 kur ishte e komanduar në gjykatën e Apelit të Korçës. Pas shqyrtimit të akuzave ndaj saj për marrje ryshfeti, 6 mijë euro përmes bashkëshortit Arben Cara për të lehtësuar masën e sigurisë së Orion Balit, i cili ishte ndaluar për trafik klandestinësh, Margjoka u dënua përfundimisht me 4 vjet e 6 muaj burg që iu konvertua në shërbim prove për një periudhë 3 vjeçare.

Gjithashtu iu hoq e drejta për të ushtruar profesionin e saj për një periudhë 5 vjeçare.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

Shefi i ushtrisë izraelite thotë se Izraeli do t’i përgjigjet sulmit të Iranit

Shefi i ushtrisë izraelite thotë se Izraeli do t’i përgjigjet sulmit të Iranit