POP 5

Lajmet më të lexuara të 5 minutave të fundit

Bota

Në Europën me maska, Suedia vazhdon sërish strategjinë e saj ndryshe përballë COVID-19

Bilanci është i kontestueshëm me më shumë se 5 800 të vdekur dhe 84 000 raste

Në Europën me maska, Suedia vazhdon sërish strategjinë e saj ndryshe përballë COVID-19

Suedia, që ka tërhequr vëmendjen me strategjinë më pak strikte përballë koronavirusit, ndodhet sërish e izoluar në luftën kundër epidemisë, duke vazhduar për momentin të shmangë maskën.

Ndërkohë që Parisi e ka bërë të detyrueshme mbajtjen e maskës në të gjitha rrugët, në Stokholm, të rrallë janë ata që e mbajnë në supermarkete, zyra, autobuse dhe metro.

Edhe pse autoritetet shëndetësore suedeze e gjykojnë pamjaftueshmërisht efikase, ata insistojnë në respektimin e distancimit social dhe larjen e shpeshtë të duarve.

“Më duket pak e çuditshme. Në Suedi, i cili është një vend i vogël, ata mendojnë se dinë më mirë se pjesa tjetër e botës”, thekson Jenny Ohlsson, menaxhere e një dyqani aksesorësh në kryeqytetin suedez, ku ndodhen të gjitha llojet e maskave prej pëlhure shumëngjyrëshe.

Ndryshe nga masat e vendosura në pjesën tjetër të Europës, Suedia nuk e ka kufizuar popullsinë e saj dhe ka mbajtur kafene, bare, restorante dhe biznese të hapura, duke u kërkuar të gjithëve “të marrin përgjegjësi”.

Bilanci është i kontestueshëm me më shumë se 5 800 të vdekur dhe 84 000 raste, Suedia është mes vendeve relativisht më të prekura.

Por, ndryshe nga shumë vende të Europës që ka njohur një rritje të rasteve, si Franca, Holanda, Gjermania apo Belgjika, të dhënat për Suedinë janë në rënie që prej qershorit.

Përballë kësaj tendence, autoritetet shëndetësore nuk shikojnë për momentin asnjë arsye të ndryshojnë strategjinë, duke përfshirë këtu maskat.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57