POP 5

Lajmet më të lexuara të 5 minutave të fundit

Kronikë

Në kërkim nga SPAK, kush është Ervin Mata! Krushqi me Erzen Breçanin dhe lidhja e dikurshme me Elvana Gjatën! Truproja e tij vrau në 2018 mikun e Ervis Martinaj

Mes urdhër arresteve të SPAK, është edhe dhe ai ndaj  biznesmenit Ervin Mata, si një emër i njohur për drejtësinë, pas përplasjes që ka patur me bosin e lojërave të fatit, Ervis Martinaj, në një lokal në ish-Bllok në vitin 2018. Mata në të njëjtën kohë, është lidhje krushqie me Erzen Breçanin, të cilit i ka dhënë motrën për djalin e madh.

Mbrëmjen e 4 tetorit, 2018 në zonën e ish bllokut në Tiranë, për herë të parë u lakua publikisht emri i Ervin Matës tashmë në kërkim si pjesë e grupit kriminal prej 11 personash, mes tyre ish kryepolici Erzen Breçani, deri në atë kohë pak kush e njihte.

Mata së fundi, në krushqi me Breçanin, djali i të cilit i  ka marrë motrën për grua, në kërkim për vrasjen e Fabian Gaxhës në ambientet e lokalit “Monopol” u dorëzua në policinë e Tiranës pas 5 muajsh në kërkim.

Kur u pyet, ai tha se nuk kishte qëlluar dhe as nuk kishte parë se kush qëlloi në drejtim të viktimës, ndërsa ishte larguar nga frika. Vetëm dy ditë pas vetëdorëzimit, Gjykata e la me detyrim për t’u paraqitur dy herë në muaj në Prokurori e cila kishte kërkuar arrest me burg. Mbi Matën u ngritën akuzat e vrasjes së mbetur në tentativë dhe armëmbajtje pa leje.

Konflikti ndodhi në kushtet kur në lokal ishin Ervis Martinaj dhe Eljon Hate ky i fundit i njohur edhe me emrin Esmeraldo, dhe 2 persona të tjerë të paidentifikuar, ndërsa diku më larg Ervin Mata, e dashura e tij Elvana Gjata, Fabio Alushi, Meviol Billo si dhe 2 të tjerë ende të paidentifikuar. Rreth orës 21.30 në lokal shkoi Fabian Gaxha truproja i Ervis Martinit. Sapo e ka parë Mata i ka kërkuar të sqarohen për një ngacmim që i kishte bërë të dashurës së tij, këngëtares Elvana Gjata dhe një vajze tjetër të showbizit.

Duke parë tensionin pronari i lokalit Redi Popesku i kërkoi Elvanës të largohet. Sherri nisi kur Fabiani u afrua dhe Mata e ka goditur disa herë me grusht duke e ulur në tokë. Më pas në ndihmë të Fabianit erdhën Ervis Martini dhe Eljon Hate. Ky ishte momenti kur nisi shkëmbimi i zjarrit mes palëve dhe çasti kur Meviol Bilo një ekspert i armëve të zjarrit, qëlloi mbi grupin rival duke vrarë Fabian Gaxhan dhe duke plagosur Ervis Martinin dhe Eljon Haten.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

'Daily Mail': Shqipëria, perla e fshehur që premton bukurinë e një lokacioni pa turma vizitorësh

'Daily Mail': Shqipëria, perla e fshehur që premton bukurinë e një lokacioni pa turma vizitorësh

27 Prill, 08:31