POP 5

Lajmet më të lexuara të 5 minutave të fundit

Kronikë

EMRI/ Dhunoi 64-vjeçarin pas sherrit për shezlongët dhe i vuri eksploziv banesës së mikut të tij, arrestohet ish-futbollisti në Shkodër

Seadet Myftija, është arrestuar nga policia e Shkodrës, pasi ishte në kërkim për shkatërrim prone me eksploziv, shkatërrim prone me mjete të forta, plagosje me dashje dhe vjedhje

SHKODËR- Saedet Myftija, ish-futbollist i Tërbunit, i shpallur në kërkim për dy ngjarje të rënda kriminale të ndodhur në verën e vitit të kaluar në Velipojë është arrestuar nga policia e Shkodrës në bashkëpunim me atë të Lezhës.

28-vjeçari në 30 maj të vitit të kaluar, bashkë edhe më një ish-futbollist të Vllaznisë Zabit Mehmedajn, dhunoi me mjete të forta një 64-vjeçar, pas sherrit për hapësirën për vendosjen e shezlongëve në plazhin e Velipojës.

Rreth një muaj më vonë, megjithëse ishte në kërkim nga policia, 28-vjeçari nuk u ndal dhe i vendosi tritol banesës së të afërmit të 64-vjeçarit S.H, të cilin e kishte dhunuar.

Mëngjesin e 29 qershori, Saedet Myftija, vuri një sasi të vogël eksplozivi në garazhin e banesës së Agim Urajt, në lagjen “10 korriku” në Shkodër. Nga shpërthimi, dëmet në garazhin e 52-vjeçarit ishin vetëm materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Shkatërrimi i pronës me eksploziv”, “Shkatërrimi i pronës”, “Plagosja e lehtë me dashje” dhe “Vjedhja”. 28 vjeçari, banues në Shkodër është arrestuar në kuadër të operacionit ‘Sundimi i Ligjit’.

1704704594_seadetmyftija.jpg

 

Seadet Myftija

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Calceto: 08/01/2024 10:10

    I mungon vetem vrasja dhe esht i kompletuar. Kshu si ka bere ky do e gjej ndonje qe tia thyej turinjt

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Aksident në Fushë Milot, 38 vjeçari me makinë përplaset me 2 mjete! Tre pasagjerët e njërës prej tyre përfundojnë në spital

Aksident në Fushë Milot, 38 vjeçari me makinë përplaset me 2 mjete! Tre pasagjerët e njërës prej tyre përfundojnë në spital

24 Nëntor, 16:34