POP 5

Lajmet më të lexuara të 5 minutave të fundit

Politikë

Shteti paralel i PD-së/ Paramilitarët vrasës të Bashës si paraushtarakët e Berishës që tentoi të shtypte Jugun në ’97, organizimi dhe qëllimi i njëjtë 

Krerët e Partisë Demokratike 24 vjet me struktura paralele të armatosura, grupi paramilitar për mbrojtjen e votave në 25 prill, organizim dhe synime të njëjta si rezervistët e armatosur të Berishës në ’97 për të shtypur kundërshtarët politikë 

Shteti paralel i PD-së/ Paramilitarët vrasës të Bashës si paraushtarakët e Berishës që tentoi të shtypte Jugun në ’97, organizimi dhe qëllimi i njëjtë 

Arbër Paplekaj autor i vrasjes në Elbasan, foto nga trazirat e 97', Lulzim Basha dhe Sali Berisha

Vrasja politike e Pjerin Xhuvanit, për llogari elektorale të opozitës, ka nxjerrë në pah një skandal kombëtar, por jo të paprecedentë. Sekretari i Përgjithshëm i Partisë Demokratike, Gazment Bardhi, pranoi më zë dhe figurë, se PD-ja ka ngritur strukturë të armatosur paramilitare, gjoja për mbrojtjen e votës, strukturë e cila ngre postblloqe nëpër qytete, ushtron kontrolle dhe madje edhe vret në emër të partisë dhe nën urdhrat e saj, siç ishte ekzekutimi i Pjerin Xhuvanit, një personazh me peshë elektorale që kishte prishur llogaritë e PD-LSI-së. Arbër Paplekaj, i cili vrau Xhuvanin, ishte pjesë e kësaj strukture të armatosur, e cila në përbërje të saj ka ish-punonjës të Policisë së Shtetit, kryesisht nga Veriu i vendit, si dhe militantë kamikazë të rekrutuar nga partia që synon të vijë në pushtet. 

Mes mercenarëve të rekrutuar ka edhe personazhe me të shkuar kriminale dhe që nuk e kanë problem të vrasin në emër të PD-së, pavarësisht kostos së kalimit të pjesës tjetër të jetës në burg. Struktura të tilla të paligjshme, paralele me strukturat e shtetit, janë pjesë e traditës së Partisë Demokratike, traditë nga e cila Lulzim Basha tregoi se nuk çlirohet dot. Ditët e para të marsit të vitit 1997, Sali Berisha, urdhëroi krijimin e strukturave të ngjashme paramilitare, me militantë, punonjës të SHIK-ut dhe policisë të armatosur, të stërvitur dhe organizuar si një shtet paralel. 
Këto grupe Sali Berisha nisi drejt qyteteve të Jugut për të shtypur revoltën popullore, e provokuar nga firmat piramidale, vjedhja e zgjedhjeve të 26 majit 1996, reprezaljet me SHIK-un famëkeq të Bashkim Gazidedes, dhunimi dhe përndjekja e kundërshtarëve politikë etj. 

Ndryshimi konsiston vetëm në faktin se Lulzim Basha, me trupën e armatosur që ka krijuar, synon të vijë në pushtet përmes terrorit, ndërsa paraardhësi i tij, Sali Berisha, me batalionet paramilitare në marsin e ’97, synonte që përmes terrorit të ruante pushtetin që kishte marrë, përmes zgjedhjeve të 26 majit ’96, të parat dhe e fundit që nuk u njohën nga ndërkombëtarët dhe që u kërkuar përsëritja e tyre. Organizimi, funksionimi, natyra e paligjshmërisë dhe synimet janë të njëjtat. 

Historiku i grupeve paramilitare të PD 
9 marsi 1997 shënon lëvizjen e parë të Partisë Demokratike me në krye Sali Berishën, për krijimin e grupeve paramilitare, paralel me strukturat e shtetit, me qëllim shtypjen e rebelimit popullor dhe mbajtjen e pushtetit me çdo kusht. Pasditen e dy marsit 1997, Sali Berisha urdhëron mbledhjen e Kuvendit me urgjencë, miraton gjendjen e jashtëzakonshme, e cila hyn në fuqi brenda disa orësh gjendja e jashtëzakonshme dhe emëron kreun e SHIK-ut, Bashkim Gazideden, Komandanti të Shtabit të Gjendjes së Jashtëzakonshme, pas protestave kundër pushtetit të tij në të gjithë Shqipërinë, por sidomos në Vlorë, Fier, Lushnje etj. 

Shtatë ditë më vonë, del urdhri sekret nr. 82 datë 09.03.1997 drejtuar rretheve Has, Kukës, Tropojë, Pukë, Mirditë, Shkodër, Dibër, Kurbin. Lezhë, Malësi e Madhe, Burrel, në të clin thuhej: “Të gjithë rezervistët që paraqiten në repartet ushtarake të rrethit tuaj, të vishen e të kompletohen me armatimin e nevojshëm e të nisen urgjent për në Akademinë e Forcave Tokësore, Tiranë, ish-Shkolla e Bashkuar. Lajmëroni dhe Shtabin e Përgjithshëm’. 

Urdhri lëshohej nga Bashkim Gazideden dhe Shefi i Shtabit të Ushtrisë, z. Adem Çopani, të cilët ishin nën urdhrat e Berishës. Rezervistët ishin në fakt militantë të PD-së, policë dhe punonjës të SHIK-ut. Më pas këto grupe janë armatosur dhe stërvitur, duke marshuar drejt Jugut nën komandën e Agim Shehut dhe Bashkim Gazides. Mënyra e organizimit të këtyre grupeve paramilitare është dokumentuar nga Komisioni për Hetimin e Ngjarjeve të muajve janar-qershor ’97, konkluzionet e të cilit janë publikuar ekskluzivisht nga Shqiptarja.com muaj më parë. 

Pas dorëheqjes së Sali Berishës nga Partia Demokratike dhe ngjitjes së Lulzim Bashës në krye të partisë, nisi të krijohej një grup djemsh vullnetar, me emrin “Korpusi Azem Hajdari”. Grupi nisi tè shfaqej në protesta, por megjithatë nuk ishte i armatosur dhe nuk ka të dhëna për veprimtari të paligjshme, si struktura e aktuale e PD-së që ka dubluar policinë. 

Struktura me natyrë paraushtarake "SMV"
Mbrëmë u mësua për herë të parë për ngritjen e një strukture, paralele me organet shtetërore, nga Partia Demokratike, të quajtur "Struktura për Mbrojtjen e Votës" (SMV). Struktura me natyrë paraushtarake "SMV", që Gazment Bardhi pranoi publikisht, është ngritur në mënyrë të fshehtë disa muaj më parë, si pjesë e strategjisë elektorale të Lulzim Bashës. Ashtu si paraushtarakët e Berishës 24 vite më parë, edhe paramilitarët e Lulzim Bashës, që janë rekrutuar në strukturën e radhës, janë nga disa zona të Veriut të Vendit. Ata janë rekrutuar jo vetëm në bazë krahinarizimi, por edhe në bazë bindjesh politike, të shkuarës së errët dhe në këmbim të interesave të ndryshme.

/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vera: 22/04/2021 18:46

    I GJITHE ELBASANI DHE SHQIPERIA TE VOTOJNE PS,,,,TI COJME KETA SHPELLARE NGA KANE DALE....

    Përgjigju
  • Opionjstri: 22/04/2021 16:19

    Te hetohet te dy ngjarja prokuroria eshte Piro amejta ish atmiral dheomandati Bujar Bukoshi femiagani Isa mustafa agim ceku

    Përgjigju
  • populli: 22/04/2021 10:50

    Prandaj kruante koqet Basha. Ishte sinjali i thirrjes per sulm. Ikni o plehra te PD se 97 nuk kthehet me. KEni gjithe NATOn ketu. Ajo vrasje ne Elbasan nxorri ne drite te verteten dhe juve ju erdhi fundi o plehra te Shqiperise

    Përgjigju
  • Tani: 22/04/2021 10:42

    Pas dates 25 shteti duhet te ndermarr nje operacion ne shkalle te gjere per arrestimin e kesaj strukture paralele

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

24 Nëntor, 08:37