POP 5

Lajmet më të lexuara të 5 minutave të fundit

Sociale

Në Maliq organizohet festa e ‘Bukës së re’, fermerët: Prodhimi i mirë, por problem shitja me çmim të ulët

Festa e “Bukës së re”, një traditë e hershme në Maliq u organizua dhe këtë vit me qëllim promovimin e prodhimit vendas. Edhe në ditë feste, fermerët ngrenë shqetësimin e madh të shitjes së grurit të miellit me çmim nën kosto.

Mes këngësh dhe valleve tradicionale, fermerët e Maliqit festuan daljen e bukës së re që vjen pas korrjes se grurit.

Duke qenë një nga hambarët më të mëdhenj të grurit në vend kjo festë ka synuar gjithmonë nxitjen e fermerëve për të ti qëndruar besnik kulturës për kultivim të grurit

“Kjo festë e ka patur ndër vite, atë ç’ka këta njerëz punëtorë e prodhojnë bukën, jo vetëm për vete por edhe për të tjerët, pasi fusha e Maliqit është fusha e dytë pas asaj të Myzeqesë”, tha Gëzim Topçiu, kryetar bashkie.

E megjithatë, fermerët ngrenë shqetësimin për gjetjen e tregut, pasi çmimi i ulët nuk mund të nxjerrë koston e prodhimit.

“Kemi disa vite që organizohet kjo festë, sidomos për fshatin Drithas që mbahet për prodhimin e grurit

Kemi gatuar ushqime tradicionale, petulla, bakllava, byrekë

Prodhimi ka qenë sipas vendeve se dhe koha nuk e ka favorizuar. Me 200 lekë të vjetra kg nuk kemi ku e shpiem.

Prodhimi ka ngelur se nuk ka treg, problem është çmimi që edhe po të jetë, vetëm dy tre pika grumbulluese janë këtu te ne”, thonë fermerët.

Dita e grurit bëri bashkë dhjetëra banorë të zonës të cilët shijuan për orë të tëra mes harmonisë së natyrës dhe gatimeve tradicionale festën e bukës së re shoqëruar edhe nga një panair produktesh bio. Maliqi është një nga zonat me te njohura për prodhimin e grurit sipërfaqe e cila shkon deri në 3200 hektarë.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • JU LUMTE: 10/08/2023 17:28

    Ta gezoni!!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12