Dita e Flamurit/ Albin Kurti sot në Tiranë, nesër në Vlorë! Nuk komenton nëse do të takohet me Ramën

Dita e Flamurit/ Albin Kurti sot në Tiranë, nesër në Vlorë! Nuk komenton nëse do të takohet me Ramën

Albin Kurti

Kryeministri i Kosovës, Albin Kurti, ka deklaruar se nesër për 28 nëntor në nder të 111 vjetorit të pavarësisë së Shqipërisë, do të vizitojë Vlorën, ku do të bëjë homazhe dhe nderim dëshmorëve e heronjëve që sakrifikuan jetën e tyre për liri.

I pyetur nëse do të ketë mbledhje mes dy qeverive, Kurti tha se do të ketë në të ardhmen, porse nuk dihet koha se kur.

“Sigurisht se do të kemi edhe mbledhje të qeverive në të ardhmen. Ndërkaq, unë sonte do të jem në Tiranë, për shkak se teatrot tona do të japin një shfaqje përmbyllëse me regji të Ilir Bokshit dhe njëkohësisht do të japin edhe çmimet përkatese. Ndërkaq, nesër do të jem në Vlorë, ku do të bëjmë homazhe, nderim për dëshmorët e heronj të cilët sakrifikuan që të jemi të lirë e të bashkuar. Deri më tani kemi 184 marrëveshje dhe nuk ka asnjë qeveri në Kosovën e pavarur e cila ka bërë më shumë marrëveshje dhe zbatim të tyre sesa kjo e jona për rreth 2/3 e mandatit”, tha Kurti.

I pyetur nëse do të ketë takim nesër me kryeministrin e Shqipërisë, Edi Rama, apo edhe presidentin, Kurti nuk ka komentuar një gjë të tillë.

Këto komente, Kurti i bëri pas pjesëmarjes në Forumin e Zhvillimit Rajonal Kosovë-Shqipëri që u mbajt në Gjakovë.

S.S/B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ypi: 27/11/2023 19:21

    BADALLA!

    Përgjigju
  • Sondazhi i ditës:

    Në Shqipëri do të prodhohen municione për Ukrainën, si e vlerësoni?



×

Lajmi i fundit

‘Keqpërdorim i administratës publike’, Stano thirrje Serbisë: Zbatoni rekomandimet e ODIHR-it për zgjedhjet parlamentare

‘Keqpërdorim i administratës publike’, Stano thirrje Serbisë: Zbatoni rekomandimet e ODIHR-it për zgjedhjet parlamentare