Sipas të dhënave më të fundit të ISTAT-it, nga 458.151 fëmijët e lindur gjatë 2017-ës, 9823 kanë të paktën njërin prind shqiptar. Këto shifra bëhen publike nga raporti më i fundit i publikuar nga Instituti i Statistikave Italiane. Ndërsa në Itali bëhet fjalë për rreth 10 mijë lindje, në total në Shqipëri në të njëjtin vit janë regjistruar mbi 30 mijë lindje.
Ndërsa niveli i fertilitetit po pëson rënie në të gjithë botën, fenomen për të cilin as Shqipëria nuk është përjashtuar, statistikat tregojnë se në Itali ku niveli i emigracionit shqiptar është i lartë, lindjet janë shtuar.
Instituti i Statistikave Italiane ka publikuar një raport përmbyllës për 2017, gjatë të cilit thekson se lindjet e fëmijëve nga të paktën një prind shqiptar janë rritur. Sipas shifrave, kanë të paktën njërin prind shqiptar 9,823 të sapolindur të 2017-tës (gjatë vitit 2016 numëroheshin 9,882 fëmijë me paktën njërin prind shqiptar).
Shifrat e fëmijëve të huaj të lindur në Itali gjatë 2017
Më në hollësi, nga raporti shihet që 7,273 fëmijë të sapolindur i kanë të dy prindërit shqiptarë (ishin 7,278 fëmijë në vitin 2016 dhe 7,830 në 2015-tën), 698 kanë babanë shqiptar e nënën italiane (kundrejt 921 rasteve të vitit 2016 e 872 të vitit 2015) dhe 1,852 kanë nënën shqiptare dhe babanë italian (ishin 1,683 të lindurit gjatë 2016-tës e 1,427 të 2015-tës).
Siç vërehet nga shifrat, po shtohen lindjet nga çiftet e përziera, ku nëna është shqiptare dhe babai italian. Mendohet se shumë prej këtyre çifteve në të vërtetë janë të formuara nga shqiptarë, por njëri prej tyre ka marrë ndërkohë shtetësinë italiane.
Mediat italiane theksojnë edhe se mund të ketë një numër më të lartë të sapolindurish shqiptarë në Itali por nuk identifikohen nga statistikat si të tillë pasi mund të lindin fëmijë nga çifte shqiptarësh, që tashmë kanë fituar që të dy shtetësinë italiane.
Në Itali, sipas të dhënave nga Ministria italiane e Punës dhe Çështjeve Sociale, që i referohen fillimit të vitit 2018 kishte rreth 442 mijë emigrantë shqiptarë me leje të rregullt qëndrimi. Ndërsa janë dhe 148 mijë të tjerë që kanë marrë që prej vitit 2002 nënshtetësinë italiane, pra në total rreth 590 mijë. Në total, sipas përllogaritjeve të ‘Monitor’ në 2017-n kishte 17 lindje për 1000 shqiptarë në Itali.
Sipas INSTAT në Shqipëri sakaq, gjatë 2017-tës kanë lindur 30.869 fëmijë, duke shënuar një rënie me 2,7 %, krahasuar me një vit më parë. Arsyet sipas ekspertëve mendohet se lidhen me dy fenomene: emigracioni i lartë dhe rënia e fertilitetit të femrat, të shoqëruara me plakjen graduale të popullsisë. E llogaritur për 1000 banorë, numri i lindjeve në 2017-n ishte 10.5, gati 40% më i ulët se nga shqiptarët që jetojnë në Itali./monitor/
Komente
Lajme të tjera
-
Vdekja e Aurorës në Itali, gjykata lë në burg të dashurin 15-vjeçar! Dëshmitari okular rrëfen si vdiq e mitura shqiptare
31 Tetor, 16:18 -
Itali/ Vdekja e 14-vjeçares shqiptare! Zbulohet videoja ku i dashuri e dhunonte në një stacion autobusi
29 Tetor, 16:50 -
Itali/ Arrestohet i dashuri i 14-vjeçares shqiptare që vdiq pasi ra nga kati i 7! Pritet përgjigjja e autopsisë
28 Tetor, 16:29 -
Italia ndryshon ligjin, s’ka lehtësi fiskale për të huajt me gra dhe fëmijë! E pësojnë më së shumti shqiptarët
27 Tetor, 14:19 -
Itali/ Flasin familjarët e 14-vjeçares shqiptare që ra nga kati i shtatë: E hodhi i dashuri, ishte viktimë e dhunës
26 Tetor, 18:02 -
Këpucari që shkoi nga Shqipëria në Val d’Arda të Italisë: Bukuria fillon nga këmbët
10 Shtator, 07:35 -
Itali/ I burgosuri shqiptar i jep fund jetës në qeli
6 Gusht, 15:23 -
2 tualete në gjithë katin! Gratë braktisin maternitetin, nga Fieri për të lindur në Tiranë
20 Korrik, 12:33
-
Emin Haziri, kuzhinieri më i mirë nën moshën 30 vjeç sipas Forbes! Historia e shqiptarit nga Kosova: Nga emigrant i paligjshëm hapa restorantin tim në Itali
6 Qershor, 07:43 -
VIDEO/ Përplasja mes bandave shqiptare në Itali, momenti kur 27 vjeçari vritet në lokal, plagosen 3 të tjerë! Shkak droga e prostitucioni (EMRAT)
10 Mars, 09:07 -
Nga Shqipëria në Itali për të qenë shef kuzhine! 16-vjeçarit i realizohet ëndrra, pronari i restorantit italian i premton: Do të të punësoj pas diplomimit
10 Mars, 08:26
-
Itali/ Vritet 1 shqiptar dhe 3 plagosen rëndë në përplasje mes dy bandave për drogë e prostitucion (VIDEO)
9 Mars, 21:27
Prandaj ua shkaterruat shqiptareve vendin per 29 vjet dhe i hodhet ata si mish per top që të pjellin për greqine dhe Italinë dhe keta femije te behen Paolo e Francesco , Jani e Kostaqi yyyyyyyyyyt u shofshin politikanët e shitur m*ta!
Përgjigju...dhe per me teper ata shqiptare qe kane mbetur ne atdhe nuk bejne as femije sepse ne kushtet e keqija ekonomike, mungesen e mbrojtjes sociale dhe pasigurine per te ardhmen, nuk munden te marrin pergjegjesine per te qene prinder te shume femijeve sic arrijne ta bejne bashkatdhetaret tane ne Europe...