Sonte në mbrëmje në orën 20:00 mbahet koncerti i këngëtarit të njohur amerikan Kanye West. Qindra fansa të këngëtarit të njohur Kanye Uest kanë nisur të mblidhen në Eagle Stadium. Siç shihen edhe nga pamjet me dron të sjellë nga Report Tv, shqiptarë e të huaj kanë 'pushtuar' rrugën që të çon drejt stadiumit.

Report Tv ka pyetur disa prej tyre, shumica të huaj, të cilët thonë se kanë ardhur në Shqipëri posaçërisht për të ndjekur koncertin e reperit amerikan.

“Ne jemi të dy nga Greqia dhe kemi ardhur nga Athina. Kemi katër ditë që jemi këtu. Kemi vizituar Durrësin dhe Tiranën. Shoh se ky është një qytet që po rindërtohet, është në zhvillim. Mendoj se është një kryeqytet shumë i bukur. Nuk e prisja që do të më pëlqente kaq shumë. Nuk do të jetë hera e fundit që vij këtu. Me siguri do të rikthehem sërish”, tha i riu.

“E dëgjoj Kanye-n që kur isha i ri, kështu që të jem këtu është si një ëndërr e madhe për mua. Jam plotësisht gati”, tha një tjetër.

"Kemi ardhur nga Tepelena për koncertin, por jetojmë në Irlandë.  Më pëlqen Kanye West, presim një atmosferë të mirë nga koncerti", tha një vajzë.

"Lexova për koncertin, ndaj vendosa ta shfrytëzoj mundësinë dhe arrita të siguroj disa bileta. Kështu që ja ku jam. Pres shumë gjëra, sepse ai është një nga muzikantët më të mëdhenj të të gjitha kohërave", tha një tjetër.

“Jemi nga Polonia dhe kjo është hera jonë e parë në Shqipëri. Po, kemi ardhur për të parë Kanye West. Kemi dy ditë që jemi këtu, por do të qëndrojmë gjithsej pesë ditë. Pres të krijoj një kujtim që do të më mbetet për gjithë jetën”, tha turisti.

"Jemi nga Greqia, Shqipëria është mahnitëse. E duam Shqipërinë", tha një grup të rinjsh.

Stadiumi ndodhet në kilometrin e parë të autostradës Tiranë-Durrës dhe drejt tij mund të shkohet me autobus të dedikuar i cili merret në qendër, çdo 20 minuta

lajm ne perditesim...

Rendit zhvillimet sipas orarit:
Ora 18:59
Koncerti i Kanye West, të huajt: Një nga muzikantët më të mëdhenj të të gjitha kohërave! Do të vijmë sërish në Shqipëri

Koncerti i Kanye West ka mbledhur qindra të rinj të huaj në kryeqyet.

Për mikrofonin e Report Tv ata shprehen se Shqipëria është mahnitëse, teksa mezi presin koncertin e artistit me famë botërore.

“Ne jemi të dy nga Greqia dhe kemi ardhur nga Athina. Kemi katër ditë që jemi këtu. Kemi vizituar Durrësin dhe Tiranën. Shoh se ky është një qytet që po rindërtohet, është në zhvillim. Mendoj se është një kryeqytet shumë i bukur. Nuk e prisja që do të më pëlqente kaq shumë. Nuk do të jetë hera e fundit që vij këtu. Me siguri do të rikthehem sërish”, tha i riu.

"E dëgjoj Kanye-n që kur isha i ri, kështu që të jem këtu është si një ëndërr e madhe për mua. Jam plotësisht gati”, tha një i huaj.

"Lexova për koncertin, ndaj vendosa ta shfrytëzoj mundësinë dhe arrita të siguroj disa bileta. Kështu që ja ku jam. Pres shumë gjëra, sepse ai është një nga muzikantët më të mëdhenj të të gjitha kohërave", tha një tjetër.

Xh.K/Shqiptarja.com

Ora 18:28
Do të performojë mbrëmjen e sotme në Tiranë, Rama pret në Kryeministri këngëtarin Kanye West! Shkrepin foto me librin 'The Albanian Files'

Kryeministri Edi Rama ka pritur në takim në ambientet e Kryeministrisë këngëtarin e njohur amerikan, Kanye Ëest, i cili do të performojë mbrëmjen e sotme në Tiranë.

Përmes një postimi në rrjetet sociale, Rama ka publikuar pamje nga takimi me Kanye Ëest, ku i pranishëm ka qenë edhe ministri i Turizmit dhe Kulturës, Blendi Gonxhja.

Shefi i Qeverisë i ka treguar reperit amerikan ambientet e brendshme të Kryeministrisë dhe pikturat që ndodhen atje. Nga pamjet duket se Rama i ka dhuruar Ëest librin 'The Albanian Files', i redaktuar nga Anneke Abhelakh. Libri përmban nga një kapitull për secilën nga 60 studiot ndërkombëtare të arkitekturës që po punojnë në Shqipëri.

Rama e ka shoqëruar postimin në rrjetet sociale më këngë të Kanye Ëest, si dhe me 5 yje sipër videos, duke ironizuar kështu sulmet online të kryera nga disa prej organizatorëve të protestave në Tiranë, kundër bizneseve, për uljen e vlerësimeve të tyre.

 

R.Xh/Shqiptarja.com

Ora 18:22
Fansat në pritje të Kanye West, 'pushtojnë' rrugën dytësore Tiranë-Durrës! Pamje me dron ora 18:00

Report Tv ka sjellë pamje me dron ku qindra fansa shqiptarë e të huaj kanë 'pushtuar' rrugën dytësore Tiranë-Durrës në prag të koncertit të Kanye West. 

"Eagle Stadium" ku do të zhvillohet konocerti është ngritur në një sipërfaqe 65 mijë metra katrorë, në kilometrin e parë të autostradës Tiranë-Durrës.

Xh.K/Shqiptarja.com