POP 5

Lajmet më të lexuara të 5 minutave të fundit

Kronikë

Në shtator u rritën aksidentet, por janë ulur për 9 muajt e parë të 2023-shit! Më pak pasoja në njerëz! 4.5% më shumë përplasje, e shtuna dita e ‘zezë’

Shtatori i këtij viti ka regjistruar më shumë aksidente se e njëjta periudhë e një viti më parë me një rritje prej 4.5%, por me pasoja më pak të plagosur dhe viktima. Shifrat e 9 mujorit të parë të 2023-shit flasin për rënie, ndërsa sipas INSTAT, e shtuna është dita me më shumë ngjarje rrugore.

Leon Simoni, 31 vjeç, nga Shkodra, po kryente manovra të rrezikshme mbrëmjen e 14 shtatorit në Berat, kur përplasi 3 persona, me makinën e tij fuoristradë, Mercedez-Benz. Si pasojë, Blerina e Mersine Nerjaku dhe Shkëlqim Kapxhiu, u plagosën rëndë dhe përfunduan në spital. I riu përfundoi në pranga, i “tradhtuar” nga pamjet e kamerave të sigurisë që filmuan sjelljen e tij të çmendur në timon. Ky ishte një prej 93 aksidenteve të ndodhura gjatë muajit shtator në vend. Sipas INSTAT, ngjarjet rrugore u shtuan përgjatë shtatorit.

Nëse në të njëjtën periudhë të një viti më parë janë regjistruar 89 ngjarje rrugore, por këtë vit aksidentet në shtator u shtuan në vlerën e 4.5%, sipas të dhënave të mbledhura nga Instituti i Statistikave. Muaji i nëntë i vitit shënoi 122 persona të aksidentuar, të vdekur dhe të plagosur, 12 më pak se shtatori 2022. Kjo do të thotë se aksidentet janë shtuar, por me pasoja më të vogla në jetë njerëzish. Të dhënat flasin për drejtuesit e mjeteve si shkaktarë aksidentesh, të cilët kanë qenë fajtor për gati 95% të rasteve të përplasjeve.

Edhe këtë muaj grup mosha nga 25 deri në 34 vjeç mbanë primatin e përplasjeve, me më shumë se ¼ e aksidenteve, duke shënuar rritje me 9.1%, krahasuar me shtatorin 2022. Sipas INSTAT, e shtuna është dita ku bëhen më shumë aksidente, më shumë se 20% e totalit, ndërsa orët e paradites mbajnë primatin në raport me oraret e tjera. Megjithatë, nëse shtatori solli rritje të përplasjeve, shifrat janë pozitive në total për 9 muajt e parë të 2023-shit, ku u regjistruan 2.4% aksidente më pak, përkatësisht 863 dhe 884.

AKSIDENTET 

Shtator 2023 - 93 aksidente

Shtator 2022 - 89 aksidente

Shtator 2023 - 122 viktima/plagosur

Shtator 2022 - 134 viktima/plagosur

Janar-Shtator 2023 - 863 aksidente

Janar-Shtator 2022 - 884 aksidente

 

(Kliko këtu për dokumentin)

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40