POP 5

Lajmet më të lexuara të 5 minutave të fundit

Kultura

Në Teatrin e Operës rikthehen për tri ditë “Karnavalet”! Shfaqja me muzikë të Avni Mulës, nën regjinë e Inva Mulës

Opereta “Karnavalet” rikthehet në skenën e Teatrit Kombëtar të Operës dhe Baletit. Shfaqja me muzikë të Avni Mulës vjen nën drejtimin e të bijës së artistit, të mirënjohurës Inva Mula.

“Jeta është aritmetikë dhe 1000 napolona për Nikollaqin nuk janë bonbona!”!

Kjo është vetëm një nga batutat e shumta, aq të njohura për publikun shqiptar nga shfaqja “Karnavalet e Korçës”, që nga kjo e hënë deri të mërkurën do të vijë e kënduar në Teatrin Kombëtar të Operës dhe Baletit me regjinë e Inva Mulës.

E ndërtuar mbi komedinë e Spiro Çomorrës, opereta me libret të Luigj Gurakuqit, dirigjim të Fiqiri Krajës dhe me muzikë të Avni Mulës është shfaqur premierë në Teatrin e Operës dhe Baletit 47 vite më parë, më 5 shkurt 1978.  Vepra erdhi në skenë me regji të Dhimitër Pecanit, ndërsa dekoret dhe kostumet u realizuan nga Ksenofon Dilo e Hysen Devolli. Atmosfera gazmore e operetës erdhi nën interpretimin e artistëve Rozmari Jorganxhi, Xhovana Doko, Tatjana Kora, Shqipe Zani, Emine Gjata, Vangjo Kosta, Janaq Mici, Luiza Papa, Zeliha Sina, Hysen Koçia, Gjergj Sulioti, Ibrahim Tukiçi, Guri Kamenica, Agim Quku, Bedri Belba, Lefter Besho, Gaqo Zdruli, Ndrek Shkjezi, Stefi Panariti dhe Qirjako Qiramixhi.

Këtë herë, “Karnavalet” do të vijnë nën dirigjimin e Elda Laros dhe dirigjentit të korit, Dritan Lumshi. Në rolet kryesore do të interpretojnë Solen Alla, Ivana Hoxha, Vikena Kamenica, Ramona Tullumani, Armando Likaj, Dorina Selimaj, Renisa Laçka, Erlind Zeraliu, Artur Vera etj.

 

B.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

‘Nuk keni asnjë program’, Rama replikon me komentuesin: Ti mendon se në BE futesh pa pasur një të tillë për çdo fushë?

‘Nuk keni asnjë program’, Rama replikon me komentuesin: Ti mendon se në BE futesh pa pasur një të tillë për çdo fushë?

27 Mars, 09:23