Tre atentate për eliminime direkte dështuan në 10 ditët e para të vitit 2022, me të plagosur në Vlorë, Shkodër dhe Fushë Krujë. Por plumbat e kallashnikovit morën jetën e Erion Çelës në Tiranë, katër të tjerëve të plagosur në të njëjtën ngjarje ndërsa krimi në familje shënoi viktimën e dytë të vitit në Shkodër.
Gjithçka nisi mëngjesin e datës 3 janar. Një 32-vjeçar plagosi të dashurën e tij 23-vjeçare në një dhomë hoteli në Durrës. Fatbardh Doda qëlloi e plagosi të dashurën e tij në shpatull. Sipas dëshmisë së vajzës para hetuesve, Doda ishte i pirë dhe arma i ka shkrehur pa dashje. Autori, përveç mbiemrit të tij Doda njihej edhe me mbiemrin Dervishi, ndërsa prej disa ditësh ishte kthyer nga Spanja. Policia e ka shpallur në kërkim, ndërsa akoma nuk ka mundur t’a lokalizoj, pasi e la vajzën në hotel dhe u arratis.
Po në datën 3 janar, në orët e pasdites u tentua të eliminohet fizikisht Vincens Piroli, ndërkohë që po lëvizte pranë Urës së Bunës në Shkodër. 34-vjeçari, i dyshuar vrasës me pagesë të një malazezi në muajin qershor, tentoi të fshihte ngjarjen. Atë e dërgoi një kushëri i tij për mjekim pranë Spitalit të Lezhës, pasi kishte frikë të shkonte tek ai i Shkodrës. Pak ditë pas ngjarjes, Piroli rrëfeu për para hetuesve për mjetin që përdorën autorët. I njëjti mjet, BMË X5 u gjet u braktisur në lagjen “Kiras”, ndërsa është çuar për ekspertizë dhe shpresohet të zbardhen shenja gishtash dhe materiale biologjike për të shkuar të autorët.
Paralelisht me atentatin daj Pirolit, Vlora u trondit nga një shpërthim tritoli. 36-vjeçarit, Bernard Sinomati iu dërgua një “mesazh” nga persona të botës së krimit, ende nuk janë paidentifikuar. Atij iu vu sasia e lëndës plasëse në makinën “Volksëagen Pasat” që e mbante të parkuar prej kohësh në lagjen "Hajro Çakërri". Fatmirësisht pa të lënduar pasi Sinomati jetonte jashtë shtetit. Ngjarja nuk është zbardhur, përveç disa të shoqëruarve që nuk ndihmuan shumë në hetime.
Pasditja e 4 janarit shënoi viktimën e parë për vitin 2022 në një atentat të mirëmenduar mafioz. Shënjestër e atentatit ishte Edmond Crroj, 42 vjeç, i cili mbeti i plagosur bashkë nipin Blerim Çelën, mikun e tij Arben Danin dhe një tjetër klient, Azbi Selimaj. Si pasojë e breshërisë së kallashnikovit humbi jetën Erion Çela, nipi i Crrojit dhe vëlla i Blerimit. Në drejtim të lokalit ku po qëndronin në “Don Dosko” u qëllua nga një automjet tip “Mercedez Benz E Class”, i cili u largua menjëherë. Ngjarja akoma nuk është zbardhur, ndërsa hetimet janë përqendruar tek e kaluara e dajës dhe nipave në Itali dhe Francë, të përfshirë të tre në trafikun e lëndëve narkotike.
Një ditë pas ngjarjes në “Don Bosko”, Vlora u trondit sërish. Diego Hanaj, 36 vjeç, u tentua të eliminohet nga persona të paidentifikuar. Në drejtim të 36-vjeçarit u qëllua me breshëri kallashnikovi nga një automjet tip “Audi”, teksa po hynte në pallatin ku jetonte, pranë një supermarket. I riu shpëtoi mrekullisht vetëm me plagë në dorë. Dyshohet se ngjarja ka ndodhur për motive hakmarrje. Pak kohë pas ngjarjes u gjet makina e djegur e autorëve, të cilën zhdukën çdo gjurmë.
Pas një dite qetësie të 6 janarit, tritoli u rikthye sërish, kësaj here në Tiranë ndaj një vlonjati. Në orët e para të mëngjesit të së premtes, 42-vjeçari Mikel Harizaj po lëvizte me makinën e tij “Mazda” në Unaza të Madhe, pranë rrethit të Selitës për të dërguar kamerierin e tij, Serini Dumi, 26 vjeç, në shtëpi, kur shpërthimi ndodhi. Si pasojë, të dy u plagosën dhe janë në gjendje të rëndë shëndetësore në Spitalin e Traumës. Harizaj është emër i njohur për drejtësisë. 13 vite më parë tentoi të vras tre persona me granatë pas një konflikti banal në një lokal në Vlorë.
Pasditja e së dielës rezultoi fatale për 40-vjeçaren Xhuliana Topalli. Gruaja u qëllua me plumba kallashnikovi nga ish-bashkëshorti, Niko Hila, 50 vjeç. Krimi i rëndë ndodhi në banesën e babait të paralizuar të viktimës në Nënshat të Vaut të Dejës. Pasi qëlloi ish-bashkëshorten në oborrin e shtëpisë, Hila tentoi të vras veten me plumb në gojë, por u dërgua për mjekim në Spitalin e Traumës. Hila vrau ish-gruan pas konflikteve të vazhdueshme për kujdestarinë së vajzës së tyre 4-vjeçare. Ajo prej disa kohësh jetonte në shtëpinë e prindërve.
Ish-efektivi i policisë, Gentjan Bejtja, i shpëtoi një atentati të dielën në Fushë Krujë. Në drejtim të automjetit të tij pranë një karburanti u lëshua breshëri kallashnikovi, por vetëm e plagosën. Me të në makinë ishte Klodian Stafuka që u dëmtua si pasojë e përplasjes së automjetit pas të shtënave. Bejtja rezulton me të shkuar jo pak problematike. Ish-efektivi njihet edhe si anëtar i bandës së Niklës, ndërsa në 2013-ën bashkë me Enver Stafuka u arrestuan pasi vodhën makinën që u përdor në vrasjen e kryekomisar Dritan Lamajt në vitin 2013. Gjithashtu, i arrestuar dhe për arsenal armesh dhe dyshohet si person i përfshirë në shumë krime kundra personit e pronës. Në lidhje me ngjarjen, policia shoqëroi disa persona që mendohet se panë lëvizjet e atentatorëve si dhe u sekuestruan kamerat e sigurisë në disa biznese në zonë për të parë nëse kanë fiksuar material të vlefshëm për zbardhjen e ngjarjes. Në dëshminë para hetuesve, Bejtja deklaroi se është qëlluar pas shpine dhe nuk i pa autorët. Ai ka qenë pre e një atentati tjetër në 2016-ën. Një sasi eksplozivi u vu në makinën e tij, e cila shpërtheu në lëvizje. Në atë kohë Bejtja u plagos rendë dhe fill pas saj u largua drejt Italisë nga ku u kthye rreth 2 muaj më parë.
Komente
Lajme të tjera
-
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Sot ndeshja Shqipëri - Ukrainë, Policia e Shtetit publikon planin e masave të ndërmarra! Ja rrugët që do të bllokohen
19 Nëntor, 12:16 -
Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje (VIDEO)
17 Nëntor, 22:21 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Prezantohen drejtorët e rinj të policisë në Tiranë dhe Durrës, Ministri u lë porosi: Zbardhni sa më shpejt vrasjet e fundit, rihapni hetimet për ngjarjet e vjetra
16 Nëntor, 10:15 -
Vrasja e Eduart Reçit/ Policia kthehet në vendin e krimit! Prova për të zbuluar nga qëlluan autorët! Biznesmeni i ndërtimit mund të jetë vrarë me armë sportive
16 Nëntor, 10:11
-
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Kush janë 'profesionistët' që vranë ndërtuesin në Tiranë? Hodhën fishekzjarrë, kamufluan zhurmën e armës! Zbulohen konfliktet e Reçit
15 Nëntor, 11:02
-
Vrasja e ndërtuesit në Tiranë, gazetari Dema në Report Tv: Atentat i mirëorganizuar nga qitës profesionist, ende nuk dihet ku ishte fshehur kur qëlloi
14 Nëntor, 18:45 -
Rinovohen drejtorët e policive në 12 qarqe, ikin të gjithë të vjetrit, vetëm 1 mbijeton! Në Tiranë Elton Alushi zëvendëson Tonin Vocajn (EMRAT)
14 Nëntor, 16:02
-
Emrat e rinj të 12 drejtuesve të policive në qarqe! Ministri porosi vartësve: Zbuloni sa më shpejt autorët e Masakrës së Shkodrës! Bashkëpunoni me SHISH e prokurorinë
14 Nëntor, 13:12
Kto jane ngjarje qe dihen, qe kane bo muuuu! Po sa plagosje e rrahje e vjedhje e gjoba, e denoncime per ngacmime seksuale , e dhune ne familje .. Ska rendsi! Bukur e keni fillu viti njerez, i tmerrshem dhe shume i pa drejte eshte termeti, merr njerez te pafajshem, Nuk merr ca monstra si ju qe e kane mendjen si te vjedhin e te vrasin, Askund tjeter. Nje pershendetje te vecante kam dhe per edukatoren e fierit Dhe te saukut qe rrafin e vrasin femije nga stresi dhe histerizimi, Mos na ndodhte se 1 me 100 del koeficenti. Te forte ato prind qe kane kurajo e japin intervista...!!!
Përgjigju