Negociatat, Balla: Jemi më pranë BE-së, ndërkombëtarët vlerësuan reformat, Fleckenstein e tha qartë

Kreu i grupit parlamentar të PS, Taulant Balla, ka deklaruar se Shqipëria sot është më pranë Europës. Në një postim në ‘Facebook’, Balla shkruan se këtë nuk e thotë qeveria shqiptare, por e thonë miqtë ndërkombëtarë të Shqipërisë, që sot janë më shumë se kurrë më pranë në historinë tonë të vjetër e të re.

Sipas tij, Raporteri për Shqipërinë, Knut Fleckenstein, që sot vizitoi vendin tonë, e tha qartë se e rëndësishme në rrugën e integrimit është bashkëpunimi dhe jo bllokimi.

Për të gjithë ata që nuk duan të shohin e nuk duan të dëgjojnë, ose lajmin e mirë duan ta bëjnë lajm të keq, Shqipëria sot është më pranë Europës. Këtë nuk e them unë, as Qeveria, por e thonë miqtë ndërkombëtarë të Shqipërisë, që sot janë më shumë se kurrë më pranë në histoinë tonë të vjetër dhe të re.

Sot Shqipërinë e vizitoi raporteri për Shqipërinë në Parlamentin Europian, eurodeputeti Knut Fleckenstein, i cili foli për vendimin pozitiv të Këshillit, për mbështetjen e madhe që Shqipëria ka nga 6 grupet më të mëdha politike në PE, të majtë e të djathtë, të qendrës, konservatorë apo të gjelbërt, për mbështetjen e plotë të Kancelares gjermane Angela Merkel dhe të koalicionit të madh gjerman; dhe se Europa vlerëson reformat dhe përpjekjet e bëra nga Shqipëria deri më tani. Raporteri për Shqipërinë Fleckenstein e tha qartë se e rëndësishme në këtë rrugë të gjatë që kemi ndërmarrë është që të bashkëpunohet dhe jo të bllokohet. Ai gjithashtu apeloi që në vend duhet një frymë bashkëpunuese politike dhe jo një opozitë që bojkoton, por që mbështet reformat.

LEXO EDHE:
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë

Në një takim ku fokusi ishte diskutimi mbi konkluzionet e Këshillit të Bashkimit Europian për çështjet e përgjithshme mbi zgjerimin, pata rastin të falenderoja edhe njëherë grupet e mëdha politike në PE, e në mënyrë të vecantë Partinë Popullore Europiane dhe Presidentin e saj Josef Daul, të cilat vendosën të mbështesin hapur vlerësimin për Shqipërinë, pa marrë në konsideratë se çfarë i`u kërkonte nga Tirana simotra e tyre. Raporti i Këshillit thotë qartë që nuk duhet të ketë tentativa për bojkot dhe duhet të ketë një frymë bashkëpunimi, gjë që në politikën tonë mungon, pasi opozita nuk njeh aletrenativa të tjera veç bojkotit dhe rrëmujës.

Është shumë e rëndësishme që përtej pritshmërive tona, Shqipëria ka marrë një PO, ka marë një datë dhe ka filluar menjëherë punën parapërgatitore. Në rastin e Shqipërisë dhe Maqedonisë kemi marrë datën, kemi marë dhe një punë parapërgatitore, e cila nuk mund të zgjasi më shumë sesa 12 muaj nga sot.

Ndërkohë që Luli dhe kasta e aktorëve të tij të SHQUP-it vazhdojnë të thonë që negociatat nuk janë hapur, ne kemi filluar punën parapërgatitore, ku takimi i parë është vetëm pas disa ditësh. Pra jemi në një rrugë të mbarë me plot sfida dhe detyrime. Edhe Kuvendi ka detyrat e veta, të cilat jemi gati t’i kryejmë së bashku me opozitën, por sipas modelit gjerman, duke i mbajtur divergjencat mes njëri- tjetrit këtu, e jo duke i eksportuar si baltë kundër Shqipërisë në Bruksel, Berlin e gjetkë.

Taulant Balla, kreu i grupit parlamentar të PS

(Postimi i Taulant Ballës)

TAG:
• taulant balla