POP 5

Lajmet më të lexuara të 5 minutave të fundit

Politikë

Negociatat me CEZ, ngrihet grupi
i punës me në krye Gjiknurin

Qeveria shqiptare ka marrë disa vendime në mbledhjen e zhvilluar gjatë ditës së sotme dhe të drejtuar nga kryeministri Edi Rama. Një prej vendimeve është ngritja e një grupi pune për të negociuar me kompaninë CEZ.
Negociatat me CEZ, ngrihet grupi<br />i punës me në krye Gjiknurin
TIRANË - Qeveria shqiptare ka ngritur një grup pune për të negociuar me kompaninë CEZ për zgjidhjen e mosmarrëveshjes. Vendimi është marrë në mbledhjen e qeverisë të zhvilluar gjatë ditës së sotme dhe të drejtuar nga kryeministri Edi Rama. Grupi i punës do të drejtohet nga ministri i Energjitikës, Damian Gjiknuri dhe do të ketë përfaqësues nga institucione të ndryshme të shtetit.

VENDIME E MARRA SOT NGA QEVERIA
Për ngritjen e grupit të punës për zgjidhjen e mosmarrëveshjes, ndërmjet Republikës së Shqipërisë dhe shoqërisë CEZ, a.s. Vendimi ka si qëllim ngritjen e grupit të punës të kryesuar nga ministri i Energjisë dhe Industrisë dhe me përbërje përfaqësues të kryeministrisë, të Ministrisë së Financave, Ministrisë së Zhvillimit Ekonomik, Tregtisë dhe Sipërmarrjes dhe Avokaturës së Shtetit për negocimin me CEZ, a.s. për zgjidhjen e mosmarrëveshjeve të lindura me shtetin shqiptar.
 
Për disa ndryshime dhe shtesa në vendimin nr.718, datë 29.10.2004, të Këshillit të Ministrave, “Për listën e personave të shpallur si financues të terrorizmit”, të ndryshuar.
Vendimi propozon miratimin e ndryshimeve në listën e personave të shpallur si financues të terrorizmit, në kuadër të kontrollit dhe përditësimit që i është bërë listës së shpallur nga Organizata e Kombeve të Bashkuara, nga data 20.5.2013 deri në datën 25.9.2013.
 
Për miratimin, në parim, të marrëveshjes me shkëmbim notash, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për projektin “Fondi i studimeve dhe i specialistëve”.
Objektivi i vendimit është financimi i studimeve dhe i aktiviteteve teknike për përgatitjen paraprake të projekteve të bashkëpunimit teknik, nëpërmjet kontributit të qeverisë gjermane në vlerën e 1 000 000 Euro-ve. Projekti do të zbatohet nga GIZ (shoqëria gjermane për bashkëpunimin ndërkombëtar).
 
Për miratimin, në parim, të marrëveshjes së bashkëpunimit ushtarak financiar, ndërmjet Këshillit të Ministrave të Republikës së Shqipërisë dhe qeverisë së Republikës së Turqisë e të protokollit të zbatimit të ndihmës financiare, ndërmjet Këshillit të Ministrave të Republikës së Shqipërisë dhe qeverisë së Republikës së Turqisë.
Marrëveshja e bashkëpunimit ushtarak financiar konsiston në dhurimin, nga pala turke, të një shume prej 2 275 000 Lirave Turke ekuovalente me 1 137 500 $, për blerje materiale e pajisje ushtarake, vizita, trajnime e kurse personeli, dhe si kontribut për projektin e modernizimit të Aeroportit të Kuçovës.
 
Për miratimin e marrëveshjes së financimit, ndërmjet Këshillit të Ministrave të Republikës së Shqipërisë, të përfaqësuar nga Ministria e Financave, dhe Bankës Evropiane të Investimeve, për asistencën teknike për projektin e rrugëve dytësore dhe lokale nr.2 - mbështetje për zbatimin dhe qëndrueshmërinë.
 
Marrëveshja e financimit ndërmjet Këshillit të Ministrave të Republikës së Shqipërisë, të përfaqësuar nga Ministria e Financave, dhe Bankës Evropiane të Investimeve, për shumën 1 250 000 (një milion e dyqind e pesëdhjetë mijë) euro, ka për qëllim, mbështetjen nga Fondi i Përbashkët Evropian i Ballkanit Perëndimor, të shërbimeve të konsulencës dhe asistencës teknike për projektin e rrugëve dytësore dhe lokale nr.2.
 
Për mënyrën e organizimit e të funksionimit të Komitetit të Menaxhimit të Integruar të Mbetjeve.
Vendimi përcakton mënyrën e organizimit dhe të funksionimit të Komitetit të Menaxhimit të Integruar të Mbetjeve, si një strukturë ndërministrore, që do të shqyrtojë, do të analizojë dhe do të propozojë masa të domosdoshme ligjore dhe administrative për menaxhimin e integruar të mbetjeve.
 
Për miratimin, në parim, të marrëveshjes së grantit nr.TF014761, ndërmjet Shqipërisë dhe Bankës Ndërkombëtare për Rindërtim dhe Zhvillim (IBRD) e Shoqatës Ndërkombëtare për Zhvillim (IDA), që veprojnë si administratore të fondeve grant të siguruara nga disa donatorë, për përgatitjen e projektit të bazuar në rezultate për mirëmbajtjen dhe sigurinë rrugore.
Grandi prej 700 000 USD që i japin IBRD dhe IDA qeverisë shqiptare nëpërmjet kësaj marrëveshje do të përdoret për përgatitjen e projektit të Sigurisë dhe Mirëmbajtjes së Rrugëve, për të rritur kapacitetin e Autoritetit Shqiptar të Rrugëve.
 
Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Mbretërisë së Bashkuar të Britanisë së Madhe e Irlandës së Veriut, për shmangien e tatimit të dyfishtë dhe parandalimin e evazionit fiskal, për tatimin mbi të ardhurat dhe mbi kapitalin.
Projektligji që do t’i dërgohet për miratim Kuvendit ka për qëllim ratifikimin e marrëveshjes për shmangien e tatimit të dyfishtë dhe parandalimin e evazionit fiskal, për tatimin mbi të ardhurat dhe mbi kapitalin.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

I emëruar i Trumpit për emigracionin mbikqyri një valë deportimesh në të kaluarën

I emëruar i Trumpit për emigracionin mbikqyri një valë deportimesh në të kaluarën

28 Nëntor, 18:37