POP 5

Lajmet më të lexuara të 5 minutave të fundit

Politikë

Negociatat me Greqinë/ Flet Bushati: Kemi 3 marrëveshje, procesi kërkon kohë

Ministri i Jashtëm, Ditmir Bushati, në një prononcim para gazetarëve ka folur për çështjen e negociatave me Greqinë. Bushati ka thënë se procesi kërkon kohë të mbyllet. Bushati ka thënë se me Greqinë, vendi ynë ka 3 marrëveshje për të mbyllur.

Ministri i Punëve të Jashtme, Ditmir Bushati, në dalje të Komisionit të Jashtëm, iu është përgjigjur pyetjeve të gazetarëve lidhur me negociatat me Greqinë. Bushati ka thënë nuk ka marrëveshje për ndryshim kufijsh por për një proces teknik për mirëmbajtjen e piramidave tokësore.

Po diskutojmë me palën greke. Opinioni publik është informuar. Kemi një marrëveshje në diskutim dhe 2 projekt marrëveshje një për piramidat dhe një për menaxhimin.

Është një komunikim institucional, kemi shkuar përtej detyrimeve që cakton ligji. E kam thënë që s’ka arsye për protagonizëm. Jemi pjesë e një ekipi.

Ditmir Bushati, ministër i Jashtëm

I pyetur për rolin e presidentit Meta dhe për firmosjen e një marrëveshjeje, Bushati ka thënë se presidenti e ka dhënë autorizimin dhe se me dosjen voluminoze po merren ekspertët.

Këtë që ju thoni unë se di. Unë di që shteti shqiptar funx mbi rregulla. Presidenti për çështjen e marrëveshjes ka lëshuar një autorizim për Ministrin e Jashtëm, kemi përgatitur aktin e plotfuqisë. Delegacioni përfaqëson interesat e shtetit shqiptar. Ka një dosje voluminoze mbi 1 mijë faqe që janë pjesë e punës së ekspertëve. Për çdo proces të ngjashëm flasim në një zë.

Ditmir Bushati, ministër i Jashtëm

Bushati ka thënë se nga Partia Demokratike po dizinformon publikun. Ai iu referua deklaratave për Çamërinë, e atyre për pikat e naftës në det.

Ka shumë dizinformim sidomos nga PD. Flitet për km katrorë det, për zona potencialisht naftëmbajtëse, për fshirje të nocionit të çështjes çame, është e qartë që ka një tentativë të orkestruar për t’a mbajtur këtë marrëdhënie në tension. Jemi të vendosur për t’a mbajtur këtë deri në 1. Kemi një plus në raport me Greqinë, kemi vendimin e Gjykatës Kushtetuese që na thotë qartë çfarë s’duhet të bëjmë. I kemi qëndruar konform këtij vendimi. S’duhet ta ushqejmë opinionin publik me iluzione. Greqia s’ka humbur asnjë luftë me ne, as ne me ata.

Ditmir Bushati, ministër i Jashtëm

Bushati tha se nuk ka një marrëveshje për ndryshim kufijsh por nga ana tjetër nuk dha afate. I pyetur për deklaratën e Hahn se negociatat me Greqinë do të mbyllen brenda dy javësh, Bushati tha se ky proces kërkon kohë.

I vetmi që bën sikur se ka kuptuar është Berisha, s’bëhet fjalë për ristrukturim kufijsh. Janë aktet ndërkombëtare, bëhet fjalë për një proces teknik për mirëmbajtjen e piramidave. Kemi një marrëveshje të ngjashme me vendet e tjera kufitare. Ligji është i qartë. Për çdo raund bisedimesh,në momentin që do të mbyllen negociatat në planin teknik, kërkojmë autorizim nga Presidenti për të nënshkruar marrëveshje. Negociatat s’kanë përfunduar. Nuk e konfirmoj dot që mbyllen brenda dy javësh, procesi kërkon kohë.

Ditmir Bushati, ministër i Jashtëm

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25