POP 5

Lajmet më të lexuara të 5 minutave të fundit

Kronikë

U ekstradua dje nga Franca, GJKKO lë në fuqi masën e sigurisë ‘arrest me burg’ për Behar Bajrin! Akuzohet për 7 vepra penale

GJKKO ka lënë në fuqi masën "arrest me burg" për të shumëkërkuarin Behar Bajri. Mësohet se Bajri nuk ka folur gjatë seancës së zhvilluar ditën e sotme. Dërgimi i Bajrit në sallën e GJKKO ka qenë i thjeshtë pasi godina ndodhet ngjitur me burgun ‘313’.

GJKKO ka lënë në fuqi masën "arrest me burg" për të shumëkërkuarin Behar Bajri. Mësohet se Bajri nuk ka folur gjatë seancës së zhvilluar ditën e sotme.Dërgimi i Bajrit në sallën e GJKKO ka qenë i thjeshtë pasi godina ndodhet ngjitur me burgun ‘313’. Në vijim të hetimeve për dosjen “Metamorfoza” në të cilën është i përfshirë edhe Bajri, do të vijojnë seancat me dëshmi dhe marrje në pyetje.

Mëngjesin e ditës së djeshme (16 nëntor) i shumëkërkuari Behar Bajri u ekstradua nga Franca dhe mbërriti në Tiranë me masa të rrepta sigurie. 

Sot Bajri u njoh me akuzat në një seancë të posaçme për rivlerësimin e masës së sigurisë 'arrest me burg', të marrë në mungesë për 7 vepra penale, mes të cilave vrasje me pagesë, grup kriminal. Ai u arrestua më 4 shtator në një lokal në Strasburg, pasi ishte shpallur në kërkim në muajin korrik 2023 për llogari të dosjes “Metamorfoza”. Autoritetet franceze disa muaj më parë, bashkë me Blegjikën, i vunë në dispozicion SPAK biseda të Bajrit dhe 15 personave të tjerë në hetim, biseda të dekoduara në aplikacionin SkyECC, në të cilat tregohen qartë përgatitjet për vrasjen e Gjin Boriçit në Vau Dejës dhe tentativave për vrasje të Kleanth Musabelliut, Dorian Dulit, Genc Tafilit apo Ibrahim Licit nga këta, asnjë i ekzekutuar.

Ndaj Bajrit rëndojnë akuza për veprat penale “Vrasja me paramendim”, kryer në formë të veçantë të bashkëpunimit, atë të grupit të strukturuar kriminal, “Mbajtja pa leje dhe prodhimi i armëve, armëve shpërthyese dhe municionit”, “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, “Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Pjesëmarrja në grup të strukturuar kriminal” dhe “Korrupsioni aktiv i gjyqtarit, prokurorit dhe i funksionarëve të tjerë të drejtësisë, kryer në bashkëpunim”.  

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rusi: 17/11/2023 15:39

    Ky eshte djali me i keq qe ka shkodra, nje njeri i pabese, nji perdhunues fmish, (ish bashkeshorta qe e quan ky ishte vetem 15 vjeçe kur e grabiti e perdhunoi dhe e vrau) vrases policesh sepse vrau policin ne shkoder dhe u denu vetem 2 vite burg, vrau dy vellezerit ne rus, vrau Gjin Ndojin duke e pasur shok te ngushte, ky meriton te denohet per jete sepse plumbi eshte shpetim per te.

    Përgjigju
    • kiraskiras: 18/11/2023 11:08

      Po pse me Licët nuk ishte shok i ngusht dhe u vrau vëllan?

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça