POP 5

Lajmet më të lexuara të 5 minutave të fundit

Politikë

Shkarkohet Rajmonda Balilaj e Fierit, nën hetim nga SPAK për 2 tendera! Vangjel Tavo emërohet Prefekt i Vlorës, largohet Flamur Manaj

Këshilli i ministrave ka miratuar lirimin nga detyra të dy prefektëve, të qarkut të Fierit dhe të Vlorës.

Shkarkohet Rajmonda Balilaj e Fierit, nën hetim nga SPAK për 2 tendera! Vangjel Tavo emërohet Prefekt i Vlorës, largohet Flamur Manaj

Rajmonda Balilaj dhe Vangjel Tavo

Këshilli i ministrave ka miratuar lirimin nga detyra të dy prefektëve, të qarkut të Fierit dhe të Vlorës.

Flamur Manaj është liruar nga detyra si Prefekt i Qarkut të Vlorës, post të cilin e mbante që prej nëntorit të 2017-ës. Po ashtu Këshilli i Ministrave emëroi në postin e Prefektit të Qarkut të Vlorës, Vangjel Tavon. Ky i fundit ka qenë deputet i Gjirokastrës në disa legjislatura, si dhe ka mbajtur postin e ministrit të Shëndetësisë në periudhën 2012-2013.

Nga detyra është liruar edhe prefektja e qarkut të Fierit Rajmonda Balilaj e pezulluar me vendim të GJKKO pasi po hetohet nga SPAK për shkelje të barazisë në tendera në kohën kur ka qenë në krye të Bashkisë Patos.

“V e n d i m për lirimin nga detyra të prefektit të qarkut të Fierit; Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave vendosur: Znj. Rajmonda Balilaj, prefekt i Qarkut të Fierit, lirohet nga kjo detyrë.”

Abuzimi për të cilin SPAK heton ish kryetaren e bashkisë së Patosit është tenderi me objekt “Ndërtim emergjent i murit mbajtës në trupin e rrugës në fshatin Ruzhdie, si pasojë e rrëshqitjes së tokës dhe kthim i rrugës në gjendjen e mëparshme”. Seanca e datës 13 mars, për verifikimin e masës së sigurisë për pezullimin nga detyra, nuk është zhvilluar në GJKKO pasi Balilaj është në Shtetet e Bashkuara të Amerikës.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tefik: 13/03/2024 18:41

    E ve Vangjel Tavon prefekt.I hodhi melcine njeriut te Ilir Metes kryehajdutit,Edhe Rama nje plehra eshte,socialisteve ju thote harrojeni ponesimin ne administrate dhe puneson njerzit e lsi.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57