Nesër protestohet kundër dënimit
me burg të ish-pjesëtarëve të UÇK

Organizatat e dala nga lufta e Ushtrisë Çlirimtare të Kosovës, dega në Drenas, do të protestojnë nesër në shenjë pakënaqësie për dënimet e fundit të komandantëve dhe ushtarëve të Ushtrisë Çlirimtare të Kosovës.

Sipas organizatave të dala nga lufta e UÇK-së, dega në Drenas, këto dënime tentojnë që ta ulin vlerën e luftës çlirimtare, mundin dhe sakrificën e gjithë të rënëve për lirinë e Kosovës, gjithë ushtareve që sakrifikuan jetën e tyre për të mbrojtur pragun e shtëpisë.

“Protesta mbahet nesër në sheshin “Fehmi Lladrovci”, duke filluar nga ora 12:00. Eja edhe ti, t’i mbrojmë vlerat e luftës së lavdishme të Ushtrisë Çlirimtare të Kosovës, ta mbrojmë amanetin e dëshmoreve dhe gjakun e derdhur për liri”, thuhet në ftesë.


Redaksia Online
l.q/Shqiptarja.com