Shqiptarët do të jenë me sy e veshë nga Lozana të mërkurën duke nisur nga ora 12:00 pasi hidhet shorti i Ligës së Kombeve dhe Shqipëria do të njohë kundërshtarët. Liga e Kombeve është formati i ri i UEFA-s nga i cili mund të sigurosh biletë për në Europianin e vitit 2020 dhe pasi janë ndarë vazot dhe ligat mbetet për tu përzier goglat që secila Kombëtare të mësojë rivalët.

Shqipëria e nis këtë format nga Liga C në bazë të renditjes së UEFA-s dhe në Ligën C kuqezinjtë janë në vazon e dytë. Nuk do të ketë derbi të nxehtë ballkanas pasi Shqipëria nuk mund të përballet me Greqinë apo Serbinë pasi i ka në të njëjtën vazo ashtu si edhe Norvegjinë.

Kundërshtarët e mundshëm të Shqipërisë së Christian Panuccit janë Hungaria, Rumania, Skocia dhe Sllovenia që janë në vazon e parë të Ligës C. Po ashtu kuqezinjtë mund të përballen edhe me Malin e Zi, Izraelin, Bullgarinë dhe Finlandën që janë në vazon C dhe Shqipëria mund të ketë përballë edhe Qipron, Estoninë dhe Lituaninë që janë tre skuadrat e vazos së katërt në Ligën C.

Gjatë hedhjes së shortit skuadrat e Ligës C do të ndahen në tre grupe me nga katër skuadra dhe një grup me tre skuadra. Katër fitueset e secilit grup ngjiten në Ligën B ndërsa ekipet e vendeve të fundit zbresin në Ligën D.Kosova bën pjesë në vazon e katërt të Ligës D që është liga më e dobët.

Në Ligën A bëjnë pjesë 12 Kombëtare ato më të mëdhatë në Evropë Gjermania,Portugalia, Belgjika ,Spanja, Franca,Anglia,Zvicra ,Italia, Polonia,Islanda, Kroacia dhe Holanda. Këto ekipe do të ndahen në tre grupe me nga katër skuadra. Edhe në Ligën B janë 12 ekipe të nivelit të lartë.

d.c./shqiptarja.com