Opinion

Nëse do kishim zgjedhje normale mund të kishim 30 Voltana

Shembulli i Bashkisë së Shkodrës dhe kryetares së saj, është një ilustrim se si një zyrtare publike, jo vetëm që nuk bën detyrën, por i bën karshillëk masave zyrtare të shtetit në kohë pandemie.

Mero Baze
17 Prill 2020, 19:40 | Përditesimi: 17 Prill 2020, 19:42

Ndryshimet e fundit në Kodin Penal, hapën debat mbi rrezikun që ato kanë për liritë njerëzore në kohë pandemie. Ndëshkimet e ashpra, të specifikuara në rastet kur një njeri i vetëdijshëm për mbartjen e sëmundjes kthehet në bombë vrasëse për të tjerët, edhe pse janë të ekzagjeruara, vlejnë për të parandaluar papërgjegjësinë.

Pandemia është një e keqe që shfaqet dy tre- herë në shekull dhe njerëzit duhet të mësohen të jenë në gjendje të jashtëzakonshme një ose dy herë në jetë, sa i bie të përballen me një pandemi.

Por ajo që u shmang në ndryshimet e fundit në Kodin Penal, ishte ndëshkimi i zyrtarëve publik që tolerojnë zbatimin e masave të rekomanduara nga shteti në atë periudhë.

LEXO EDHE:
Mero Baze: Mesazhi i Berishës, nga ‘gjyqi’ i sajuar kundër Ivi Kasos

Qeveria shkarkoi prefektin e Shkodrës, që e ka në varësi të saj, por nuk e kuptoj përse nuk shkarkoi edhe formalisht, pasi ajo e shkarkuar është, Voltana Ademin nga detyra.

Deri më sot ajo nuk ka asnjë deklaratë miratuese për zbatimin e masave të Qeverisë për pandeminë, por ka gjithnjë opsione politike . A thua se po i merr kush dorën asaj se si duhet të luftohet pandemia në Shkodër dhe në gjithë Shqipërinë.

Ndryshimet e fundit në Kodin Penal nuk u morën me përgjegjësinë e zyrtarëve. Argumentet që japin ligjvënësit në këtë rast, janë se në kohë të tilla, komandën qëndrore e ka Qeveria dhe çdo shkelës i ligjit do ndëshkohet.

Por problemi është se Voltana Ademi nuk e shkel ligjin si qytetare, por si zyrtare. Ajo ndoshta vetë rri në shtëpi, mban maskë, por qëndrimet e saj publike frymëzojnë thyerjen e ligjit dhe kjo është një çështje që duhet rregulluar me ligj.

Tani ne merremi me Voltanën, se vetëm ajo ka mbetur në zyrë, ngaqë ndodhi problemi me të zgjedhurin e ri në Shkodër. Por nëse do të kishim opozitë normale, që nuk do bojkotonte zgjedhjet, sot mund të kishim gati gjysmën e kryebashkiakëve të opozitës, dhe nëse do silleshin si Voltana, mund të hidhnin në erë Shqipërinë.

Në çdo pandemi tjetër me të cilën do të përballemi, nuk ka shanse të kemi më këtë situatë politike që të kemi vetëm një kryetare bashkie nga opozita. Këtë e kemi dhuratë nga Lulzim Basha. Do të kemi doemos për pak, më shumë se gjysmën dhe sjellja publike e tyre duhet rregulluar me ligj.

Shmangia në ndryshimet e fundit ligjore, ndoshta është bërë nga perceptimi i tanishëm, që nuk ka opozitë në bashkitë e tjera dhe Voltana duket thjesht si një kamikaze e çmendur.

Por statistikat thonë, se “e çmendura” e Shkdorës ka tashmë çdo ditë të sëmurë, sa gjithë Shqipëria. Fjala vjen 11 Shkodra, 12 gjithë Shqipëria. Kjo do të thotë që ajo e ka rritur peshën e sëmundjes në Shkodër, sikur të kishte fituar gjysmën e vendit, dhe e ka kthyer Shkodrën nga kryeqytet të PD, në kryeqytet të koronavirusit. Dhe mendoni, që është vetëm një kamikaze politike. Po të jenë 30?

Ndaj Kodi Penal duhet ta parashihte dhe përgjegjësinë e zyrtarëve publik në këtë rast.

Kjo klasë politike, ndoshta s’ka më shans të përballet me pandemi të tjera, sa të jetë në politikë, ndoshta dhe në jetë, por pasardhësit nuk do kenë luksin e Edi Ramës, që të kenë Parlamentin si makinetë për të miratuar çfarë duan.

Vetëm larg qoftë nëse përfundojmë në komunizëm apo fashizëm. Ndaj do të ishte mirë t’u linim një garanci për kamikazët politikë në Kodin Penal. Ta kishin dhe ata një mekanizëm stabiliteti në kohë pandemie./ tema

TAG:

Komento

Komente

Pencionisti: 19/04/2020 19:50
O tej je krrici rames Voltana ka bere nje pune te shkelqyer
Përgjigju
SHKODRA VOLTANA MERITON: 18/04/2020 15:28
Asht një shprheje simbas kokēs vihet festja. E Shkodra voltanën e meriton ma bukur s'ka ku shkon.
Përgjigju
O tej: 18/04/2020 11:51
Mbushuni me gjith kete lavire Voltane na e shpifet spo nuk edhte bukurane
Përgjigju
- Haha: 18/04/2020 14:14
  E bukura e by**** s
MARIGLEN DILO: 18/04/2020 09:01
Per mua shteti ra me kete falje populli sdo pyes per kete shtet
Përgjigju
- Juristi: 18/04/2020 13:42
  Tridhjet e me shume Voltana me zgjedhje, sesa nje Elise , nje kajmak , ne valdrin , nje elvis e tejere e te tjere te zgjedhur nga bota e krimit . Te qenka shterpezuar mendja o mero me keq se e lulit dhe e mones bashke, dhe diktatoret i bejne zgjedhjet formalisht . Sa nostalgji ke per perandorine osmane o ditezi .
Mero: 17/04/2020 20:05
Mero po si ka mundesi ta kemi kete dhurata nga Lulzim Basha kur ne Shkoder fitoj zgjedhjet per qeverisjen vendore PS?? Nuk mendon se kete e kemi sepse PS nuk ka ditur te zgjedh kanditaturen e duhur per Shkodren?? Un mendoj se kete here "qeverria droped the ball".
Përgjigju
besi: 17/04/2020 19:59
Cilit shtet?Ku e shikon shtetin?Shtet eshte ky?Po te kishte shtet kjo duhet te ishte ne burg per sabotim ne perhapje pandemie.Po lere o zoteri se nuk ka ligje ky vend.
Përgjigju
- Mero B: 17/04/2020 22:34
  Cfare ka Sabotuar kjo? Kesaj duhet tja dime per nder se ne rast se kjo do ikte, do paralizonte gjithe qytetin ne mungese te kryetarit te ri te bashkise. Kjo duhet te vendosi firm dhe vule per paga e pagesa sherbimesh te pushtetit vendor.Kjo deri diten qe ka lene mandatin ka qene kot aty, tani eshte jetike te jere aty ..