POP 5

Lajmet më të lexuara të 5 minutave të fundit

Sport

‘Nëse ka fat Kombëtarja e mposht Poloninë dhe Hungarinë’, Rraklli: Anglia ka ndryshuar shumë që kur i shënova unë (VIDEO)

Rraklli thotë se nëse rastis në një ditë të mirë Kombëtarja mund të shpresojë për vendin e dytë në kualifikueset e Botërorit.

Ish-bomberi i Kombëtares Altin Rraklli në një intervistë për Report Tv thotë se shanset e Shqipërisë për kaulifikim në Botëror pas shortit të hedhur të hënën në Nyon janë shumë të vogla. Gjithsesi sipas tij ekziston një mundësi e vogël për vendin e dytë.

“Mendoj që Shqipëria nuk pati shumë fat në këtë short sepse na ranë kundërshtarët më të fortë të secilës vazo. Anglia në vazon e parë, Polonia në vazon e dytë dhe Hungaria në vazon e tretë. Janë skuadra shumë të forta. Mund të na kishin rënë skuadra më të lehta, por nuk e kishim këtë fat. Megjithatë nuk duhet të qahemi. Mendoj që FSHF duke parë shortin së bashku me stafin teknik duhet të vendosin objektivat.

Patjetër që ky këto skuadra e bëjnë shumë të vështirë nëqoftëse do tentojmë kualifikimin. Megjithatë asgjë nuk është e pamundur në futboll. Me përjashtim të Anglisë, Polonia dhe Hungaria kanë pikët e dobta. Nëse rastit dita e keqe e tyre dhe dita e mirë e jona mund ti marrim pikë. Në këtë mënyrë t’i zëmë vendin. Bëhet fjalë për vendin e dytë. Nëqoftëse Shqipria gjithsesi do arrij vendin e tretë do të ishte një sukses shumë i madh.”

Altin Rraklli është një nga ato dy futbollistë që së bashku me Besart Berishën i kanë shënuar Anglisë për llogari të Shqipërisë. I pyetur nëse kuqezinjtë aktualë do të mund ta dërgojnë të paktë njëherë topin në rrjetën e ‘Tre Luanëve’ Rraklli përgjigjet:

“Çdo skuadër është e gabueshme edhe skuadrat e mëdhaja bëjnë gabime dhe pësojnë gol. Te Anglia është e vështirë të ndodhë ky fenomen, por megjithatë në futboll çdo gjë ndodh. Unë i kam shënuar Anglisë para shumë vitesh dhe sot po flasim për një situatë tjetër, por Anglia është nga më të fortat në botë. Në mbrojtje janë të pagabueshëm, por nëse shohim përballjen me Kosovën ‘dardanët’ i realizuan dy herë në Angli. Ne duhet të dimë të shfrytëzojmë në mënyrë maksimale ato raste që do na vijnë.”

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ilir mataj: 09/12/2020 02:08

    edhen ky hajdut me cizme hajde rrekel hajde .

    Përgjigju
  • Tifozi: 08/12/2020 20:20

    Shihni endrra ne sirtar kur ju mundi Luksemburgu rrezik nje gje te tille ta beje edhe San Marino.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06